म्हापसा : गिरी, म्हापसा येथील ग्रीनपार्क जंक्शनजवळ कदंबा बसने दुचाकीला धडक दिल्याने झालेल्या अपघातात एका युवतीसह दुचाकीवरील दोघेजण गंभीर जखमी झाले. हा अपघात गुरुवारी सकाळी घडला.
ग्रीनपार्क जंक्शनजवळून कदंबा बस जात असताना तिची दुचाकीला जोरदार धडक बसली. धडकेनंतर दुचाकीवरील दोघेही रस्त्यावर कोसळले. या अपघातात त्यांना गंभीर दुखापत झाली. अपघाताची माहिती मिळताच घटनास्थळी मदतकार्य करण्यात आले आणि जखमींना तातडीने उपचारासाठी रुग्णालयात दाखल करण्यात आले.
अपघातामुळे ग्रीनपार्क जंक्शन परिसरात काही काळ वाहतुकीवर परिणाम झाला. या घटनेची माहिती मिळताच संबंधित यंत्रणांनी घटनास्थळी धाव घेतली. अपघात नेमका कशामुळे झाला, याबाबत अधिक माहिती मिळू शकलेली नाही. या प्रकरणी पुढील तपास सुरू आहे.