अाई, आज टिफिनमध्ये काय आहे?”
हा प्रश्न रोज सकाळी घरी विचारला जातो. कारण टिफिन बॉक्स म्हणजे फक्त डबा नाही, तर तो आहे शक्तीचा खजिना! जो टिफिन खातो, तो शाळेत हिरो बनतो!
आपल्या शरीराला शाळेत खूप काम करायचं असतं. वाचणं, लिहिणं, धावणं, खेळणं, हसणं.. यासाठी इंधन लागते. ते इंधन म्हणजे चांगलं, घरचं, पौष्टिक अन्न.
हिरो टिफिनमध्ये काय असावं?
१. ताकद देणारं अन्न
पोळी-भाजी, पराठा, इडली, डोसा, उपमा, भात-डाळ हे सगळं आपल्याला उर्जा देतं. भाजीत गाजर, पालक, मटार, दोडका असतील तर शरीर खुश!
२. मेंदूचा मित्र
दूध, दही, पनीर, शेंगदाणे, चणा हे मेंदूला तल्लख बनवतात. मग गणिताची बेरीजही पटकन सुटते!
३. रंगीत फळांचा जादू
सफरचंद, केळी, संत्रं, पेरू, द्राक्षं ही फळं म्हणजे निसर्गाची चॉकलेट्स! रोज एक फळ टिफिनमध्ये असेल तर आजार दूर पळतात.
टिफिनमध्ये काय टाळावं?
जास्त चॉकलेट्स, चिप्स, बिस्किटं, कोल्ड ड्रिंक्स हे फक्त चव देतात, ताकद नाही. कधीमधी चालेल, पण रोज नाही!
टिफिन मजेदार कसा बनवायचा?
पोळीला स्मायली काढा
फळांचे छोटे तुकडे करा
भाजी वेगवेगळ्या रंगांची ठेवा
छोटा चिठ्ठी लिहा: “माझ्या हिरोला शुभेच्छा!”
पाणी विसरू नका!
पाणी प्यायल्याने शरीर ताजंतवानं राहतं. रंगीत बाटली असेल तर पाणी पिण्याची मजा दुप्पट!
लक्षात ठेवा
जो मुलगा/मुलगी टिफिन पूर्ण खाते,
तो/ती शाळेत फास्ट, फिट आणि फोकस्ड राहते!
म्हणून उद्यापासून तुमचा टिफिन बॉक्स बनवा असा की तो उघडताच सगळे म्हणतील..
“वा! हा तर टिफिन बॉक्समधला हिरो आहे!”
- डॉ. पूनम संभाजी, बालरोगतज्ज्ञ
