नवी दिल्ली : सौर वादळामुळे एअरबस ए३२० च्या फ्लाइट कंट्रोल सिस्टीममध्ये बिघाड झाल्याने एअरबसच्या विमान सेवेला मोठा फटका बसला आहे. जगभरातील ६ हजार विमाने रद्द तर भारतात २५० विमाने रद्द करण्यात आली आहेत.
एअरबसने एका निवेदनात म्हटले आहे की, ए३२० मालिकेतील विमानांचे अलीकडे झालेल्या अपघातांचे कारण शोधताना तीव्र सौर किरणोत्सर्ग उड्डाण नियंत्रणात अडथळा आणत आहे. तीव्र सौर किरणोत्सर्गामुळे फ्लाईट कंट्रोल सिस्टममधील महत्त्वाचा डेटा खराब होऊ शकतो. कंपनीच्या विमानांना अपडेट करण्याची आवश्यकता आहे.
एकूण ६ हजार विमाने रद्द झाल्याने विमानातून प्रवास करून इच्छित स्थळी जाऊ पाहणाऱ्यांना मोठा फटका बसला आहे. भारतातही २५० विमाने रद्द करण्यात आली आहेत. सौर वादळ, सौर किरणोत्सर्गामुळे इतर काही विमान कंपन्यांच्या सेवेवरही परिणाम झाला आहे.
