गोव्याच्या बाबू गावकरची विश्व चॅम्पियनशिपसाठी निवड
दक्षिण आफ्रिकेत होणार जागतिक लेझर रन स्पर्धा
Story: क्रीडा प्रतिनिधी। गोवन वार्ता |
05th September, 08:33 pm
🏆
🥇 गोव्याच्या बाबू गावकरला राष्ट्रीय स्पर्धेत सुवर्ण; जागतिक स्पर्धेत स्थान निश्चित
•
बिहारमधील बेगुसराय येथे सुरू असलेल्या ९व्या एमपीएफआय लेझर रन राष्ट्रीय चॅम्पियनशिप २०२५ मध्ये गोव्याच्या बाबू गावकर याने सुवर्णपदक पटकावले आहे. या चमकदार कामगिरीसह त्याने दक्षिण आफ्रिकेत होणाऱ्या जागतिक चॅम्पियनशिपसाठी आपले स्थान निश्चित केले आहे.
बिहारमधील बेगुसराय येथील एचएफसी मैदानावर ४ ते ७ सप्टेंबर दरम्यान ही राष्ट्रीय स्पर्धा आयोजित करण्यात आली आहे. स्पर्धेच्या पहिल्याच दिवशी बाबू गावकरने १३ मिनिटे ४६ सेकंदांची वेळ नोंदवत विजेतेपदावर शिक्कामोर्तब केले.
🌍
आता लक्ष जागतिक स्पर्धेवर
आंतरराष्ट्रीय मॉडर्न पेंटाथलॉन युनियनतर्फे (UIPM) २०२५ ची लेझर रन विश्व चॅम्पियनशिप दक्षिण आफ्रिकेतील मोसेल बे येथे ९ ते १४ डिसेंबर २०२۵ या कालावधीत होणार आहे. या स्पर्धेत बाबू गावकर भारताचे प्रतिनिधित्व करेल.
#GoaSports #BabuGaonkar #LaserRun #Athletics #TeamIndia
