गृह खात्याच्या अव्वल सचिवांकडून निर्देश जारी
प्रतिनिधी । गोवन वार्ता
पणजी : राज्यात मागील काही महिन्यात मोठ्या प्रमाणात जमीन व्यवहार तसेच इतर प्रकरणात खासगी सुरक्षा रक्षक किंवा बाउन्सरचा वापर होत असल्याचे समोर आले आहे. याची दखल घेऊन गृह खात्याने राज्यातील अनेक सरकारी तसेच खासगी आस्थापने, संघटनांनी खात्याकडे नोंदणी असलेल्या खासगी सुरक्षा रक्षकांची नियुक्ती करण्याचे सूचना जारी केले आहे. या संदर्भात गृह खात्याचे अव्वल सचिव मथन नाईक यांनी निर्देश जारी केले आहे.
या पार्श्वभूमीवर गृह खात्याने निर्देश जारी करून गृह खात्याकडे नोंदणी असलेल्या खासगी सुरक्षा रक्षकांची नियुक्ती करण्याचे निर्देश जारी केले आहे. राज्यात सुमारे १५६ खासगी सुरक्षा रक्षक एजन्सी नोंदणीकृत आहेत. याशिवाय गोवा मानव संसाधन विकास महामंडळ सरकारी संस्थांना सुरक्षा रक्षक देत आहेत. अशा संस्थांना वरील निर्देश लागू राहणार नाही. या प्रकरणी गृह खात्याने शिक्षण सचिव, उद्योग, व्यापार आणि वाणिज्य सचिव, पर्यटन सचिव, आरोग्य सचिव, गोवा ट्रॅव्हल अँड टुरिझम असोसिएशनचे अध्यक्ष, गोवा राज्य औद्योगिक संघटनाचे अध्यक्ष, गोवा पर्यटन विकास महामंडळाचे व्यवस्थापकीय संचालक, गोवा औद्योगिक विकास महामंडळाचे व्यवस्थापकीय संचालक आणि गोवा चेंबर ऑफ कॉमर्स अँड इंडस्ट्रीजचे अध्यक्षांना यांना पत्र लिहून सूचना केली आहे. याशिवाय वरील संस्थानांना त्याच्याशी निगडित असलेल्या सर्व आस्थापनांना गृह खात्याकडे नोंदणी असलेल्या खासगी सुरक्षा रक्षकांची नियुक्ती करण्याची सूचना केली आहे.
