‘आदिवासी कल्याण’च्या निमंत्रणाला गावडेंकडून प्रतिसाद नाही
पणजी : गोवा सरकार शासनस्तरावर भगवान बिरसा मुंडा यांची जयंती साजरी करत असून सभापती रमेश तवडकर यांच्यासह सरकारमधील सर्व एसटी आमदार उपस्थित राहणार आहेत.
मात्र, एसटी मंत्री गोविंद गावडे गैरहजर राहणार आहेत. यामागचे कारण विचारले असता आदिवासी कल्याण विभागाचे संचालक दशरथ रेडकर यांनी गावडेंनी निमंत्रणाला प्रतिसाद दिला नसल्याचे सांगितले.
युवा आदिवासी नेते भगवान बिरसा मुंडा १५ नोव्हेंबर रोजी त्यांची १५०वी जयंती साजरी करत आहेत. देशव्यापी कार्यक्रमाचा भाग म्हणून गोव्यातील पाच भागात हे कार्यक्रम होणार आहेत.
कार्यक्रमाचे उद्घाटन मुख्यमंत्री आणि आदिवासी कल्याण मंत्री डॉ. प्रमोद सावंत यांच्या हस्ते होणार आहे. या कार्यक्रमाला सभापती रमेश तवडकर, एसटीचे आमदार गणेश गावकर आणि आंन्तोन वाझ उपस्थित राहणार आहेत.
एसटी समाजातील गोव्यातील एकमेव मंत्री गोविंद गावडे यांच्या नावाचा समावेश का करण्यात आला नाही, असा प्रश्न कार्यक्रमाचे आयोजक दशरथ रेडकर यांना विचारण्यात आल्यावर रेडकर म्हणाले, ''या कार्यक्रमांना येण्यासाठी परवानगी मागितली, पण त्यांनी आम्हाला परवानगी दिली नाही," असे उत्तर दिले.
काही महिन्यांपूर्वी प्रियोळ मतदारसंघात आदिवासी कल्याण विभागाच्या एका कार्यक्रमात मंत्री गावडे आणि संचालक रेडकर यांच्यात झालेल्या बाचाबाचीचा एक ऑडिओ व्हायरल झाला होता.
या पार्श्वभूमीवर आदिवासी कल्याण विभागाच्या कामकाजाला मंत्री गोविंद गावडे यांची अनुपस्थिती हा चर्चेचा विषय ठरला आहे. दरम्यान, कार्यक्रमाची माहिती देताना रेडकर म्हणाले की, बिरसा मुंडा जयंतीनिमित्त १५ नोव्हेंबर ते २६ नोव्हेंबर २०२५ या कालावधीत आदिवासी गौरव वर्ष साजरे केले जाणार आहे.
साखळी रवींद्र भवन येथे मुख्यमंत्री प्रमोद सावंत यांच्या हस्ते 'धरती आभा जनजातीय ग्राम उत्कर्ष' अभियानाचे उद्घाटन होणार आहे. नंतर पत्रादेवी पेडणे ते बिरसा मुंडा गौरव रथयात्रेला हिरवा झेंडा दाखवण्यात येईल.
धारबांदोडा येथे होणाऱ्या या कार्यक्रमात सावर्डेचे आमदार गणेश गावकर यांची प्रमुख उपस्थिती राहणार आहे. काणकोणातील कार्यक्रमाला सुभाष शिरोडकर तर सांगे येथील कार्यक्रमाला सुभाष फळदेसाई हे प्रमुख पाहुणे म्हणून उपस्थित राहणार आहेत.
पंतप्रधान नरेंद्र मोदी सकाळी ११.३० वाजता 'धरती आभा' योजनेचा शुभारंभ करून देशाला संबोधित करतील. या भाषणाचे पाचही ठिकाणी थेट प्रक्षेपण केले जाणार असून "तेथे मोठ्या स्क्रीन लावण्यात येणार आहेत, असे रेडकर म्हणाले.
