चोरीचे दागिने जप्त
म्हापसा : मेस्ताभाट-मेरशी येथील फ्लॅटमधील ५ लाखांचे सुवर्णलंकार चोरल्याप्रकरणी जुने गोवे पोलिसांनी संशयित काशीबाई लक्ष्मिकांत नायक (३४, रा. कांदोळी व मूळ हिप्पार्गी कर्नाटक) या मोलकरणीला अटक केली. तसेच चोरीचे दागिने जप्त केले.
ही चोरीची घटना मंगळवार दि. १२ रोजी संध्याकाळी ६.३० दरम्यान घडली . याप्रकरणी सिडनी मेसीर यांनी पोलिसांत तक्रार नोंदवली होती. अबनेर रेसिडेन्सी इमारतीमधील फ्लॅटमध्ये संशयित आरोपी काशीबाई फिर्यादींकडे मोलकरीण म्हणून कामाला होती. मिळालेल्या माहितीनुसार, फिर्यादींच्या आईची आलमार उघडली. आतील ६ बांगड्या, एक गळाहार व एक अंगटी, असे तब्बल ५ लाखांचे दागिने चोरले. हा प्रकार त्याच दिवशी रात्री फिर्यादींच्या आईच्या निदर्शनास आला. त्यांनी संशयित मोलकरणीवर संशय व्यक्त केला.
सिडनी मेसीर यांनी पोलिसांत नोंदवलेल्या तक्रारीच्या आधारे पोलिसांनी संशयित आरोपीला कांदोळी येथून ताब्यात घेत अटक केली. तसेच तिच्याकडून चोरलेले सर्व दागिने जप्त केले. पुढील तपास पोलीस उपनिरीक्षक जस्विता नाईक या करीत आहेत.
