बृहन्मुंबई महानगरपालिकेत भाजप शिवसेना १३१ जागांवर आघाडीवर
मुंबई : महाराष्ट्रातील (Maharashtra) महानगरपालिका (Muncipal Corporation) निवडणुकीची (Election) मतमोजणी (Counting) सध्या सुरू आहे. २७ महानगरपालिकांची मतमोजणी सुरू असून, निकालाची चुरस वाढली आहे. बृहन्मुंबईत (बीएमसी) महानगरपालिकेत २२७ जागांपैकी भाजप शिवसेना शिंदे गट युती १३१ जागांवर आघाडीवर आहे. उद्धव व राज ठाकरे यांचे पक्ष ७२ जागा मिळवून दुसर्या स्थानी आहेत. लातुर महानगरपालिकेत एकूण ७० जागांपैकी कॉंग्रेस व व्हीबीए ४४ जागांवर आघाडीवर आहेत. भाजप २२ जागांवर आघाडीवर आहे. ठाणे महानगरपालिकेतील १३१ जागांपैकी भाजप शिवसेना शिंदे युती आघाडीवर आहे.
दुपारी ३ पर्यंतची आघाडी खालीलप्रमाणे आहे.
बृहन्मुंबई (बीएमसी) महानगरपालिका
मुंबई बीएमसी २२७ जागांपैकी भाजप शिवसेना शिंदे गट मिळून महायुती १३१ जागांवर आघाडीवर. भाजप १०० तर शिवसेना शिंदे गट ३१ जागांवर आघाडीवर आहे. शिवसेना (उद्धव ठाकरे) व मनसे युती ७२ जागांवर आघाडीवर आहे. १४ जागांवर कॉंग्रेस पक्ष आघाडीवर आहे.
लातुर महानगरपालिका
लातुर महानगरपालिकेत ७० जागांपैकी कॉंग्रेस व व्हीबीए ४४ जागांवर आघाडीवर तर भाजप २२ जागांवर आघाडीवर आहे.
कोल्हापूर महानगरपालिका
कोल्हापूर महानगरपालिकेतील ८१ जागांपैकी भाजप व शिवसेना शिंदे गट या महायुतीने आघाडी मिळवली आहे. भाजप २७ तर शिवसेना शिंदे गट १४ जागांवर आघाडीवर आहे. कॉंग्रेस २८ जागांवर तर राष्ट्रवादी कॉंग्रेस अजित पवार गट ३ जागांवर आघाडीवर आहे.
ठाणे महानगरपालिका
ठाणे महानगरपालिकेतील १३१ जागांपैकी ३४ जागांवर शिवसेना शिंदे गट तर १५ जागांवर भाजप आघाडीवर आहे. ७ जागांवर राष्ट्रवादी कॉंग्रेस शरद पवार गट, २ जागांवर कॉंग्रेस तर २ जागांवर शिवसेना युबीटी व मनसे आघाडीवर आहे.
पुणे महानगरपालिका
पुणे महानगरपालिकेत १६५ जागांपैकी ८७ जागांवर भाजप, राष्ट्रवादी शरद पवार व राष्ट्रवादी अजित पवार गट आघाडी १० जागांवर तर कॉंग्रेस ३ जागांवर आघाडीवर आहे.
पिंपरी चिंचवड महानगरपालिका
पिंपरी चिंचवड महानगरपालिकेतील १२८ जागांपैकी भाजप ८१ जागांवर आघाडीवर तर राष्ट्रवादी कॉंग्रेस ३७ जागांवर आघाडीवर तर शिवसेना शिंदे गट ९ जागांवर आघाडीवर आहे.
चंद्रपुर महानगरपालिका
चंद्रपुर महानगरपालिकेतील ६६ जागांपैकी कॉंग्रेस १६, भाजप १०, शिवसेना उद्धव ठाकरे ३, शिवसेना शिंदे २ तर राष्ट्रवादी अजित पवार गट २ जागांवर आघाडीवर आहे.
भिंवडी महानगरपालिका
भिंवडी महानगरपालिकेतील ९० जागांपैकी १४ जागांवर कॉंग्रेस, १० जागांवर भाजप, शिवसेना शिंदे गट ८, राष्ट्रवादी शरद पवार गट ८ तर इतर ८ जागांवर आघाडीवर आहेत.
कल्याण डोंबिवली महानगरपालिका
कल्याण डोंबिवली महानगरपालिकेतील १२२ पैकी ४८ जागांवर शिवसेना शिंदे गट, ४६ जागांवर भाजप, मनसे ४ तर शिवसेना (उद्धव ठाकरे) २ जागांवर आघाडीवर आहे.
मालेगाव महानगरपालिका
मालेगाव महानगरपालिकेत इस्लाम पार्टी ३५ जागांवर, एआयएमआयएम २० जागांवर, शिवसेना शिंदे गट १८, कॉंग्रेस ३, भाजप २ तर इतर ६ जागांवर आघाडीवर आहेत.
वसई विरार महानगरपालिका
वसई विरार महानगरपालिकेतील वसई विरार महानगरपालिकेत ११५ जागांपैकी ७१ जागांवर बीव्हीए तर ४३ जागांवर भाजप आघाडीवर आहे.
परभणी महानगरपालिका
परभणी महानगरपालिकेतील ६५ जागांपैकी शिवसेवा (उद्धव ठाकरे) व कॉंग्रेस आघाडी ३४ जागांवर, भाजप १५ जागांवर तर राष्ट्रवादी कॉंग्रेस ७ जागांवर आघाडीवर आहे.
