जिल्हा पंचायत निवडणुकीसाठी प्रशासन सज्ज; आज ५० मतदारसंघांत मतदान

पणजी : उत्तर व दक्षिण गोव्यातील जिल्हा पंचायतीच्या ५० मतदारसंघांसाठी शनिवारी (दि. २०) मतदान प्रक्रिया पार पडणार आहे. सकाळी ८ ते सायंकाळी ५ वाजेपर्यंत मतपत्रिकेच्या आधारे मतदान होईल. या निवडणुकीसाठी प्रशासन सज्ज झाले असून कोणताही अनुचित प्रकार घडू नये, यासाठी कडेकोट पोलीस बंदोबस्त तैनात करण्यात आला आहे.

२२६ उमेदवार आणि ८.६९ लाख मतदार
दोन्ही जिल्हा पंचायतीत मिळून २२६ उमेदवार रिंगणात आहेत. यामध्ये उत्तर गोव्यात १११ तर दक्षिण गोव्यात ११५ उमेदवारांचा समावेश आहे. राज्यातील एकूण ८ लाख ६९ हजार ३५६ मतदार आपला हक्क बजावतील. गुरुवारी सायंकाळी जाहीर प्रचार समाप्त झाला असून शुक्रवारी उमेदवारांनी मतदारांच्या व्यक्तिगत गाठीभेटी घेण्यावर भर दिला.

अटीतटीची लढत आणि सोमवार निकाल
यावेळी बहुतांशी उमेदवार नवीन असल्याने निकालाचे अंदाज वर्तविणे कठीण झाले आहे. तरीसुद्धा ९ विद्यमान सदस्य आणि २०२० मधील १२ उमेदवार पुन्हा एकदा नशीब आजमावत आहेत. शनिवारी २० डिसेंबर रोजी मतदान झाल्यानंतर सोमवार २२ रोजी तालुक्याच्या ठिकाणी मतमोजणी होईल.

पक्षीय बलाबल
भाजपने ४० तर मगोने ३ मतदारसंघांत उमेदवार उभे केले आहेत. इतर ७ ठिकाणी त्यांनी अपक्षांना पाठिंबा दिला आहे. दुसरीकडे काँग्रेस, गोवा फॉरवर्ड, आरजी आणि ‘आप’चे उमेदवार रिंगणात असल्याने निवडणुकीत मोठी रंगत निर्माण झाली आहे.

निवडणुकीची सांख्यिकी (एकूण)

उत्तर गोवा : मतदारसंघनिहाय मतदार संख्या

दक्षिण गोवा : मतदारसंघनिहाय मतदार संख्या