जीएसटी सुधारणांचा फायदा राज्यातील शेती, पर्यटन, खाण उद्योगांना
मुख्यमंत्री डॉ. प्रमोद सावंत : पत्रकार परिषद घेऊन दिली निर्णयांची माहिती
Story: प्रतिनिधी। गोवन वार्ता |
04th September, 11:29 pm
💰
🧾 GST मध्ये मोठे बदल: १२% व २८% स्लॅब रद्द, राज्याला मोठा दिलासा- मुख्यमंत्री
•
केंद्रीय जीएसटी परिषदेने १२% आणि २८% जीएसटी स्लॅब रद्द करून त्याजागी आता केवळ ५% आणि १८% असे दोनच स्लॅब ठेवण्याचा महत्त्वपूर्ण निर्णय घेतला आहे. या निर्णयामुळे सर्वसामान्य नागरिक, व्यापारी आणि उद्योजकांना मोठा दिलासा मिळेल आणि राज्याच्या अर्थव्यवस्थेला चालना मिळेल, अशी माहिती मुख्यमंत्री डॉ. प्रमोद सावंत यांनी दिली.
जीएसटीचे नवे स्लॅब (२२ सप्टेंबरपासून लागू)
५% (नवीन स्लॅब)
१८% (नवीन स्लॅब)
४०% (कॅसिनो, प्रीमियम गाड्यांसाठी)
🗣️
गोवा चेंबरकडून निर्णयाचे स्वागत (प्रतिमा धोंड)
- या सुधारणा अर्थव्यवस्थेसह समाजासाठीही लाभदायी आहेत.
- देशाच्या GDP वाढीला चालना मिळून ०.५ टक्क्यांनी वाढ होण्याची शक्यता.
- आरोग्य विमा आणि जीवनावश्यक औषधांवरील करसवलतीमुळे आरोग्यसेवा स्वस्त होईल.
- शेतकरी, कारागीर आणि MSMEs ना मोठा फायदा होईल.
- साबण, टूथपेस्ट, चहा, कॉफी यांसारख्या दैनंदिन वस्तू स्वस्त झाल्याने कुटुंबांना थेट फायदा.
🎰
कॅसिनोंसह यांवर ४० टक्के जीएसटी
कॅसिनो, यॉट, रेस क्लब, तंबाखूजन्य पदार्थ आणि प्रीमियम गाड्यांवर २२ सप्टेंबरपासून ४० टक्के जीएसटी लागू होणार आहे. यापूर्वी कॅसिनोंवर २८ टक्के जीएसटी होता. या निर्णयामुळे केवळ कॅसिनोकडूनच राज्याच्या महसुलात वार्षिक ५० कोटी रुपयांची भर पडण्याची अपेक्षा आहे.
📈 महसुलात वाढ: २०१७ पासून गोव्यातील जीएसटी करदात्यांच्या संख्येत ११२% तर महसुलात ७४% वाढ झाली आहे.
⚙️ प्रशासकीय सुलभता: जीएसटी नोंदणी प्रक्रिया ३ दिवसांत तर परतावा ७ दिवसांत पूर्ण होणार.
#GSTReforms #GoaEconomy #PramodSawant #TaxReform #CasinoTax
