सरकारच्या रस्ता अपघात मृत्यू साहाय्य योजनेतून ३७३ जणांना मदत
पणजी : राज्यात रस्ते अपघातात मृत्यू झालेल्यांच्या कुटुंबीयांना मदत म्हणून सरकारने रस्ता अपघात मृत्यू साहाय्य योजना २०१० मध्ये सुरू केली होती. या योजनेसाठी जानेवारी २०१० ते ऑक्टोबर २०२४ या दरम्यान ४४५ अर्ज आले होते. यातील वैध अर्ज असणाऱ्या ३७३ जणांना ७ कोटी २४ लाख ५० हजार रुपयांची मदत करण्यात आली आहे. वाहतूक खात्यातील वरीष्ठ अधिकाऱ्यांनी ही माहिती दिली.
मिळालेल्या माहितीनुसार योजने अंतर्गत मागील १५ वर्षात २०२३ मध्ये सर्वाधिक ८१ अर्ज आले होते. यातील ६८ अर्ज मंजूर करून १.३६ कोटी रुपये देण्यात आले होते. २०२१ मध्ये ५२ व्यक्तींना १.०२ कोटी रुपये, २०२० मध्ये ३४ जणांना ६८ लाख रुपये, २०२२ मध्ये ३३ जणांना ६४.१० लाख रुपये , २०१६ मध्ये ३५ जणांना ६०.५० लाख रुपये आर्थिक मदत देण्यात आली होती.
योजनेनुसार अपघातात मृत्यू झालेल्या व्यक्तीच्या कुटुंबीयांना २ लाख रुपये देण्यात येतात. यापूर्वी योजनेत पात्र होण्यासाठी कुटुंबीयांचे वार्षिक उत्पन्न ३ लाखांपेक्षा कमी असणे आवश्यक होते. मात्र फेब्रुवारी २०२४ मध्ये यात बदल करून उत्पन्न मर्यादा १० लाख रुपये करण्यात आली आहे. तसेच याआधी व्यक्तीच्या मृत्यूनंतर १८० दिवसांच्या आत दावा करण्याची अट बदलून ती आता ३६५ दिवस केली आहे.
राज्यात दरवर्षी रस्ते अपघातात सुमारे २५० ते ३०० लोकांचा मृत्यू होतो. या व्यक्तींच्या कुटुंबीयांना मदत म्हणून सरकारने २०१२ मध्ये रस्ता अपघात मृत्यू साहाय्य योजना सुरू केली होती. यानंतर २०१५ आणि २०२० आणि २०२४ मध्ये यात बदल करण्यात आले.
तक्ता करणे
वर्ष आलेले अर्ज मंजूर अर्ज दिलेली रक्कम
२०१० २ १ २ लाख
२०११ १६ ८ १२.३० लाख
२०१२ १८ १० २० लाख
२०१३ १० ५ १० लाख
२०१४ २ २ ४ लाख
२०१५ १२ ९ १३.६० लाख
२०१६ ३९ ३५ ६०.५० लाख
२०१७ ३१ २९ ५८ लाख
२०१८ ३० २८ ५५.५० लाख
२०१९ ३१ ३० ६० लाख
२०२० ३८ ३४ ६८ लाख
२०२१ ५५ ५२ १.०२ कोटी
२०२२ ३६ ३४ ६४.१० लाख
२०२३ ८१ ६८ १.३६ कोटी
२०२४ ४४ २९ ५८ लाख
