पणजी : काल रात्री उशिरा कर्नाटकातील मंगळुरू-बंगळुरू महामार्गावरील मंड्या येथे फॉर्चूनर कार व लॉरीचा भीषण अपघात झाला. या अपघातात आल्तो पर्वरी येथे राहणाऱ्या रोस व डॅरील वाझ या सख्ख्या भावांचा मृत्यू झाला तर कारचालक नॅथन वाझ व नील फारिया हे किरकोळ जखमी झालेत . चौघेही गोव्याहून कोइंबतूरला जात होते.
समोर आलेल्या माहितीनुसार, मंगळुरू-बंगळुरू महामार्गावरील मंड्या येथे पोहोचल्यानंतर समोरून येणाऱ्या लॉरीने फॉर्चूनर कारला डाव्या बाजूने जोरदार धडक दिली. दरम्यान रोस व डॅरील दोघेही डाव्या बाजूला बसले होते. या भीषण धडकेत त्यांचा जीव गेला. कारचालक नॅथन हा डॅरील वाझ यांचा मुलगा आहे तर नील फारीया हे म्हापसा येथील उद्योजक आहेत.
बातमी अपडेट होत आहे.
