उमेदवारांनी अर्ज २१ नोव्हेंबरपर्यंत करण्याचे आवाहन
पणजी : कदंब महामंडळातर्फे ७० वाहक पदांसाठी भरती करण्यात येणार आहे. रोजंदारी तत्वावर या जागा भरल्या जाणार आहेत. दिवसाला ७३३ रुपये वेतन यासाठी दिले जाईल. दहावी उत्तीर्ण असलेल्या आणि वाहतूक खात्याने जारी केलेला वाहक परवाना व बॅज असलेल्या उमेदवारांनी अर्ज करण्याचे आवाहन महामंडळातर्फे करण्यात आले आहे.
इच्छुक उमेदवारांनी अर्ज २१ नोव्हेंबरपर्यंत महामंडळाच्या पर्वरी कार्यालयात जमा करणे आवश्यक आहे. उमेदवाराचे वय ४५ वर्षांहून अधिक नसावे. कोकणी, इंग्रजी, मराठी आणि हिंदीचे ज्ञान असणे गरजेचे आहे. गोव्यातील १५ वर्षांचा रहिवासी दाखला तसेच त्याने बेरोजगार म्हणून सरकारकडून कोणत्याही योजनेतून आर्थिक लाभ घेतलेला नसावा. स्वतःचा व्यवसाय सुरू करण्यासाठी देखील कोणत्याही सरकारी योजनेचा लाभ घेतलेला नसावा. उमेदवाराला त्याची निवड झाल्यास भविष्यात कायमस्वरुपी पदावर दावा करणार नसल्याचे लिहून द्यावे लागेल. एकूण ७० पैकी ३५ जागा विनाआरक्षित असणार आहेत. तर, ओबीसींसाठी २०, एसटींसाठी ९, एससीसाठी १, ईडब्ल्यूएससाठी २, सीएफएफसाठी १ तर दिव्यांगांसाठी २ जागा आरक्षित असणार आहेत.
