म्हापसा : आनावाडा-कांदोळी येथे कळंगुट पोलिसांनी छापा टाकून ३० हजार रूपये किंमतीचे ई सिगारेटचे साहित्य जप्त केले. याप्रकरणी संशयित आरोपी मोहम्मद शिफाझ (२२ ,रा. कांदोळी व मूळ दक्षिण कर्नाटक) यास अटक केली.
आनावाडा कांदोळी येथे पोलिसांना संशयित आरोपी ई सिगारेट विक्री करत असल्याचे आढळून आला. पोलिसांनी त्यास पकडले व त्याच्याजवळील इलेक्ट्रॉनिक सिगारेट आणि संबंधित वस्तू मिळून एकूण ३० हजारांचा माल जप्त केला. पोलीस निरीक्षक परेश नाईक यांच्या मार्गदर्शनाखाली उपनिरीक्षक हरीष वायंगणकर यांनी ही कारवाई केली.
