अपघातास कारणीभूत ठरलेला ट्रक चालक पोलिसांच्या ताब्यात
म्हापसा : तीन बिल्डींग, पर्वरी येथिल नवरत्न रेस्टॉरन्टजवळ दुचाकीला ट्रकची धडक लागून त्याखाली आल्याने विजया मुरगावकर (४५ रा. सिरीन-चिंबल) ही महिला ठार झाली. तर दुचाकीस्वार हिरालाल मुरगावकर (५५) हे किरकोळ जखमी झाली.
समोर आलेल्या माहितीनुसार हा अपघात सोमवारी २१ रोजी सकाळी ९.१५ च्या सुमारास घडला. जखमी हिरालाल मुरगावकर हे आपल्या भावजयीला घेऊन जीए ०७ व्ही ५२०५ क्रमांकाच्या अ‍ॅक्सेस स्कुटरवरून पणजीहून म्हापसाच्या दिशेने येत होते. तर त्याच दिशेने मोहम्मद अफजल हा जीए ०५ टी ७९७९ क्रमांकाचा ट्रक घेऊन येत होता.
ही दोन्ही वाहने घटनास्थळी नवरत्न रेस्टॉरन्टजवळ पोचली असता ट्रकची दुचाकीला धडक लागली. त्यामुळे दुचाकीस्वाराचा दुचाकीवरील नियंत्रण सुटले. यावेळी मागे बसलेली विजया ही ट्रकखाली आली व तिच्या शरीरावरून ट्रकचे चाक गेले. यात ती गंभीर जखमी झाली. दरम्यान रूग्णवाहिकेतून गोमेकॉत दाखल केले असता डॉक्टरांना तिला मृत घोषित केले. या अपघातावेळी दुचाकीसह दुचाकीस्वार उजव्या बाजूने रस्त्यावर कोसळला आणि किरकोळ जखमी झाला. अपघाताची माहिती मिळताच पर्वरी पोलिसांनी घटनास्थळी धाव घेतली. पोलीस उपनिरीक्षक अरूण शिरोडकर व हवालदार विशाल गावस यांनी पंचनामा केला. पोलिसांनी अपघातास कारणीभूत ट्रक चालकाला ताब्यात घेतले आहे. पुढील तपास पोलीस करीत आहे.
दरम्यान, काल रात्री ११:३० वाजता केपे येथे भीषण अपघात घडला. स्कोडा कारने दुचाकीला धडक दिल्याने आलीशान स्कोडा कारने दुचाकीला धडक दिली. या अपघातात अब्दुल कादर बादशाह याचा मृत्यू झाला तर सुफियान शेख हे गंभीर जखमी झाले.
