निवृत्तीनंतर ईपीएफओ किंवा इतर योजनांद्वारे एकरकमी रक्कम मिळते. जर तुम्ही हे पैसे बँक खात्यात जमा केले तर त्यावर जास्त व्याज मिळत नाही. अशा परिस्थितीत निवृत्तीनंतर गुंतवणुकीचे अनेक मार्ग आपल्यासमोर आहेत. पोस्ट ऑफिसच्या अनेक योजनांत तुम्ही गुणवणूक करू शकता. पोस्ट ऑफिस ज्येष्ठ नागरिक बचत योजना ज्येष्ठ नागरिकांसाठी गुंतवणुकीसाठी खूप चांगली आहे. या योजनेत इतर योजनांच्या तुलनेत जास्त व्याजही मिळते.
८.२ टक्के व्याज
पोस्ट ऑफिस ज्येष्ठ नागरिक योजना ही एक ठेव योजना आहे. यामध्ये ५ वर्षांसाठी निश्चित रक्कम जमा करावी लागते. या योजनेत तुम्ही जास्तीत जास्त ३० लाख रुपयांची गुंतवणूक करू शकता. सध्या या योजनेत ८.२ टक्के व्याज दिले जात आहे.
आता जर तुम्ही या योजनेत ५ वर्षांसाठी ३० लाख रुपये गुंतवले असतील तर ५ वर्षानंतर तुम्हाला ८.२ टक्के दराने १२ लाख ३० हजार रुपये इतके व्याज मिळेल. याचा अर्थ मॅच्युरिटीवर तुम्हाला ४२ लाख ३० हजार रुपये मिळतील.
केवळ ज्येष्ठ नागरिकच गुंतवणूक करू शकतात
या योजनेत फक्त ज्येष्ठ नागरिक म्हणजेच ६० वर्षांवरील लोकच गुंतवणूक करतात. तथापि, नागरी क्षेत्र आणि संरक्षण कर्मचाऱ्यांना काही अटींसह सूट मिळते.
ही योजना ५ वर्षात परिपक्व होते. जर तुम्हाला ५ वर्षानंतरही या योजनेचा लाभ घ्यायचा असेल, तर तुम्ही ती तीन वर्षांसाठी वाढवू शकता. मुदतपूर्तीच्या तारखेपासून विस्तारित खात्यावरील व्याजदर लागू होईल. या योजनेचे आणखी एक वैशिष्ट्य म्हणजे ते आयकर कायद्याच्या कलम 80C अंतर्गत कर सवलतीचा लाभ प्रदान करते.
