साहित्य:
चिकन: १ किलो (स्वच्छ धुऊन घेतलेले)
मॅरिनेशनसाठी: १ चमचा आले-लसूण पेस्ट, अर्धा चमचा हळद, १ चमचा लाल तिखट आणि चवीनुसार मीठ.
वाटण (मसाला): २ उभे चिरलेले कांदे, १ वाटी किसलेले ओले खोबरे, १०-१२ लसूण पाकळ्या, १ इंच आले आणि थोडी कोथिंबीर.
फोडणी व इतर: ३-४ चमचे तेल, २ बारीक चिरलेले कांदे, १ बारीक चिरलेला टोमॅटो, २-३ चमचे मालवणी मसाला, १ चमचा धने पूड आणि १०-१२ ओले किंवा भिजवलेले काजू.
कृती:
प्रथम चिकनला आले-लसूण पेस्ट, हळद, तिखट आणि मीठ लावून किमान अर्धा तास मॅरिनेट करायला ठेवा. त्यानंतर एका तव्यात थोडे तेल गरम करून कांदा आणि ओले खोबरे तांबूस रंगावर भाजून घ्या आणि थंड झाल्यावर आले, लसूण व कोथिंबीर घालून त्याचे बारीक वाटण तयार करा. आता एका मोठ्या भांड्यात तेल गरम करून त्यात बारीक चिरलेला कांदा आणि टोमॅटो मऊ होईपर्यंत परता, मग त्यात मालवणी मसाला व धने पूड घालून तेल सुटेपर्यंत चांगले परतून घ्या. या मसाल्यात मॅरिनेट केलेले चिकन टाकून मोठ्या आचेवर ५ मिनिटे परता, जेणेकरून चिकनला स्वतःचे पाणी सुटेल. त्यानंतर तयार केलेले खोबऱ्याचे वाटण आणि ओले काजू चिकनमध्ये मिसळून घ्या. रस्सा हवा तसा होण्यासाठी गरजेनुसार थोडे गरम पाणी व चवीपुरते मीठ घालून भांड्यावर झाकण ठेवा. चिकन पूर्णपणे शिजेपर्यंत मंद आचेवर वाफेवर शिजू द्या आणि शेवटी बारीक चिरलेली कोथिंबीर वरून पेरून गरमागरम मालवणी चिकन सर्व्ह करा.
शिल्पा रामचंद्र
मांद्रे
