म्हैसूर सँडल सोपच्या नवीन उत्पादनांचे शानदार लाँचिंग

बंगळुरू : जगप्रसिद्ध ब्रँड आणि समृद्ध वारशाचे प्रतीक असलेल्या म्हैसूर सँडल सोपच्या (Mysore sandal soap) नवीन उत्पादनांच्या लाँचिंगप्रसंगी कर्नाटक सोप्स अँड डिटर्जंट्स लिमिटेडच्या (केएसडीएल) ब्रँड अ‍ॅम्बेसेडर तमन्ना भाटिया (Tamannaah Bhatia) हिने उत्पादने औपचारिकपणे सादर केली.
बहुभाषिक भारतीय चित्रपट अभिनेत्री तमन्ना भाटिया हिची संस्थेने म्हैसूर सँडल सोप आणि इतर संबंधित उत्पादनांच्या प्रमुख कॉस्मेटिक उत्पादन ‘फेस वॉश’चा प्रचार आणि जाहिरात करण्यासाठी ‘ब्रँड फेस’ म्हणून नियुक्ती केली आहे. या धोरणात्मक उपक्रमाद्वारे, संस्थेचे उद्दिष्ट भारत आणि जागतिक स्तरावर म्हैसूर सँडल सोप उत्पादनांकडे तमन्ना हिच्या असंख्य चाहत्यांना आकर्षित करणे आहे. यामुळे ब्रँडची प्रसिद्धी होऊन तरुण ग्राहकांना आकर्षित करता येईल.
कर्नाटक सरकारचे उद्योग आणि पायाभूत सुविधा विकास मंत्री डॉ. एम. बी. पाटील यांच्या उपस्थितीत हा कार्यक्रम पार पडला. पाटील यांच्यासह मुद्देबिहाल मतदारसंघातील विधानसभेचे सदस्य आणि केएसडीएलचे अध्यक्ष अप्पाजी सी. एस. नाडागौडा यावेळी उपस्थित होते. कर्नाटक सरकारच्या मुख्य सचिव डॉ. शालिनी रजनीश, आयएएस कार्यक्रमाला उपस्थित होत्या. कर्नाटक सरकारच्या वाणिज्य आणि उद्योग विभागाच्या अतिरिक्त मुख्य सचिव डॉ. सेल्वकुमार, केएसडीएलच्या संचालक मंडळाचे माननीय सदस्य डॉ. प्रशांत पी. ​​के. एम., आयएफएस, केएसडीएलचे व्यवस्थापकीय संचालक आणि अभिनेत्री तमन्ना भाटिया यांच्या उपस्थितीने केएसडीएलच्या वाढीचा आणि विकासाचा पाया आणखी मजबूत केला आहे.
केएसडीएलने म्हैसूर सँडल सोपसह फेसवॉश, शाम्पू, परफ्यूम, अगरबत्ती, धूप, हँडवॉश, डिशवॉश, हेअर ऑईल, ग्लास क्लिनर, टॉयलेट क्लिनर, फ्लोअर क्लिनर आदी घरगुती ​वापराची उत्पादने बाजारात आणली आहेत.

ई-कॉमर्स, आधुनिक व्यापारात अग्रेसर
पारंपरिक संस्था असूनही व्यवस्थापकीय संचालकांच्या गतिमान नेतृत्वाखाली केएसडीएलने आधुनिक विक्री धोरणे यशस्वीरित्या स्वीकारली आहेत, ज्यामुळे ई-कॉमर्स आणि आधुनिक व्यापार क्षेत्रात एक नवीन अध्याय सुरू झाला आहे.

भविष्यातील दृष्टीकोन
केएसडीएल ही एक पारंपारिक आणि अत्यंत प्रतिष्ठित संस्था असली, तरी तिने समकालीन गरजांनुसार आधुनिकतेला यशस्वीरित्या स्वीकारले आहे. हे यश प्रामुख्याने व्यवस्थापकीय संचालकांच्या सक्षम नेतृत्व, नाविन्यपूर्ण विचारसरणी आणि परिणाम-केंद्रित प्रशासनाला दिले जाते.

नफ्यात वाढ
कंपनीने २०२२-२३ मध्ये १८२.४९ कोटींचा नफा नोंदवला, जो २०२३-२४ मध्ये ३६२.२७ कोटी आणि २०२४-२५ मध्ये ४५१ कोटी झाला.

लाभांश वितरण
२०२२-२३ मध्ये कर्नाटक सरकारला ₹५४.७५ कोटींचा लाभांश देण्यात आला. २०२३-२४ आणि २०२४-२५ मध्ये अनुक्रमे १०८.६२ कोटी आणि १३४.८४ कोटींचा लाभांश देण्यात आला.

विशेष लाभांश वितरण
२०२३-२४ या आर्थिक वर्षात कर्नाटक सरकारला ₹३६०.१० कोटींचा विशेष लाभांश देण्यात आला.

मुख्यमंत्री मदत निधीत योगदान
२०२३-२४ आणि २०२४-२५ या दोन्ही वर्षात, केएसडीएलने मुख्यमंत्री मदत निधीत दरवर्षी ५ कोटींचे योगदान दिले.

पुरस्कार, मान्यता...
कर्नाटक सरकारने केएसडीएलला नादप्रभू केम्पेगौडा आंतरराष्ट्रीय पुरस्कार - २०२५ ने सन्मानित केले.
न्यूज१८ चॅनेलने केएसडीएलला राज्यातील सर्वोत्तम सार्वजनिक क्षेत्रातील उपक्रम - २०२५ म्हणून सन्मानित केले.
मेसर्स इंडियन इन्स्टिट्यूट ऑफ मटेरियल्स मॅनेजमेंट (आयआयएमएम) ने व्यवस्थापकीय संचालकांना सर्वोत्कृष्ट मुख्य कार्यकारी पुरस्कार - २०२५ प्रदान केला.
राज्यातील १२५ सार्वजनिक क्षेत्रातील उपक्रमांपैकी, केएसडीएलला आघाडीच्या वृत्तपत्रांनी सर्वाधिक नफा मिळवणाऱ्या सार्वजनिक उपक्रमांपैकी एक म्हणून मान्यता दिली आहे.
गेल्या दोन वर्षांत, केएसडीएलने विक्री उलाढालीत १४ टक्क्यांचा सातत्यपूर्ण वाढ दर गाठला आहे, जो एफएमसीजी क्षेत्रातील एक महत्त्वपूर्ण कामगिरी आहे.

इतिहासातील सर्वाधिक उलाढाल
व्यवस्थापकीय संचालकांच्या धोरणात्मक नेतृत्वामुळे, केएसडीएलने गेल्या तीन वर्षांत इतिहासातील सर्वाधिक विक्री आणि उलाढाल नोंदवली आहे.
आर्थिक वर्ष । उलाढाल (कोटींमध्ये)
२०२४-२५ । १७८७
२०२३-२४ । १५७१
२०२२-२३ । १३७५