जम्मू आणि काश्मीरमध्ये १८ दहशतवाद्यांचा खात्मा करणारे आणि अनेक महत्त्वाच्या ऑपरेशन्समध्ये सहभागी असलेले गोव्याचे सुपुत्र कर्नल अमित आनंद परब यांच्या शौर्य आणि अतुलनीय सेवेचा हा गौरवशाली प्रवास आहे.
गोव्यातील लष्करी अधिकारी, कर्नल अमित आनंद परब यांना जम्मू आणि काश्मीरमधील पुलवामा जिल्ह्यात त्यांच्या अनुकरणीय धैर्य आणि शौर्यपूर्ण कामगिरीसाठी गौरविण्यात आले. हा अधिकारी भारत-पाक सीमेवरील ऑपरेशन पराक्रम आणि भारत-चीन सीमेवरील ऑपरेशन फाल्कनचा भाग होता. त्याचबरोबर ते जम्मू आणि काश्मीरमध्ये बंडखोरीविरोधी कारवायांमध्ये सक्रियपणे सहभागी होते, जिथे त्यांनी सहा यशस्वी ऑपरेशन्समध्ये १८ कट्टर दहशतवाद्यांचा खात्मा केला. अशाच एका ऑपरेशनमध्ये ते जखमी झाले, पण दहशतवाद्यांचा खात्मा होईपर्यंत लढत राहिले. त्यांच्या ह्याअनुकरणीय धैर्य, धाडस, निर्भीडता आणि चिकाटीसाठी त्यांना सेना पदक देऊन सन्मानित करण्यात आले.
कर्नल परब डेहराडून येथील प्रतिष्ठित इंडियन मिलिटरी अकादमी (IMA) मध्ये प्रशिक्षक होते आणि कॅडेट्सना प्रशिक्षण देत होते. त्याचप्रमाणे, ते भारत-म्यानमार सीमेवरील मणिपूरमध्ये बंडखोरीविरोधी कारवायांच्या नियोजनात सक्रियपणे सहभागी होते. कर्नल अमित आनंद परब यांना राजपूत रेजिमेंटल सेंटरमध्ये जनरल स्टाफ ऑफिसर ऑफ ट्रेनिंग म्हणून काम करण्याचा अनुभव आहे आणि त्यांनी तमिळनाडूमधील वेलिंग्टन येथे प्रतिष्ठित डिफेन्स सर्व्हिसेस स्टाफ कोर्स (DSSC) देखील यशस्वीरित्या पूर्ण केला आहे. एक तरुण अधिकारी म्हणून, कर्नल परब हे इथिओपिया आणि एरिट्रिया येथे संयुक्त राष्ट्रांच्या शांतता दलाचा भाग होते, जिथे त्यांना फोर्स कमांडर्स कमेंडेशन कार्ड प्रदान करण्यात आले.
कर्नल म्हणून पदोन्नती झाल्यानंतर, त्यांनी डोकलाम संकटादरम्यान भारत-चीन सीमेवरील नाथुला (सिक्किम) येथे त्यांच्या २७ राजपूत बटालियनचे नेतृत्व केले आणि त्यांच्या क्षेत्राची जबाबदारी अत्यंत काळजीपूर्वक पार पाडली. अरुणाचल प्रदेशातील पूर मदतीसाठी उप-सेनाप्रमुखांचे कौतुक कार्ड आणि भारत-चीन सीमेवरील ऑपरेशन्ससाठी जनरल ऑफिसर कमांडिंग कमेंडेशन कार्ड हे देखील या अधिकाऱ्याचे श्रेय आहे.
संरक्षण दलांसाठी संहिताकरणाच्या धोरणात्मक कार्यासाठी प्रभारी अधिकारी म्हणून काम करत असतानाच त्यांना, उत्तर प्रदेशातील बरेली येथे अग्निवीरांच्या भरतीसाठी असलेल्या आर्मी रिक्रूटिंग ऑर्गनायझेशनमध्ये त्यांना डायरेक्टर रिक्रूटिंग म्हणूनही नियुक्ती देण्यात आली होती.
कर्नल परब ह्यांनी लेडी ऑफ ग्रेस हायस्कूल, बिचोली आणि ज्ञानप्रसारक मंडळ कॉलेज, म्हापसा येथे शिक्षण घेतले. त्यांच्या आतापर्यंतच्या लष्करी कारकिर्दीत, त्यांनी अनेक कमांड, कर्मचारी आणि प्रशिक्षणात्मक नियुक्त्या केल्या आहेत. लेफ्टनंट म्हणून प्रशिक्षण पूर्ण झाल्यानंतर १ सप्टेंबर २००१ रोजी त्यांना राजपूत रेजिमेंटच्या २७ व्या बटालियनमध्ये नियुक्त करण्यात आले.
शाळा आणि महाविद्यालयीन शिक्षण घेत असताना ते एनसीसी कॅडेट होते आणि त्यांनी कर्नाटक आणि गोवा एनसीसी संचालनालयाचे प्रतिनिधित्व केले होते. भारतीय एनसीसी प्रतिनिधी म्हणून नेपाळमध्ये युथ एक्सचेंज प्रोग्राम (YEP) चा भाग म्हणून त्यांची निवड झाली होती. या अधिकाऱ्याचे लग्न रचना ह्यांच्याशी झाले आहे, ज्या व्यवसायाने शिक्षिका आहेत आणि त्यांना दोन मुले आहेत: अतिक्ष, एक राष्ट्रीय एअर पिस्तूल शूटर आणि अन्वेय, एक राज्यस्तरीय एअर पिस्तूल शूटर.
जॉन आगियार
+ ९१ ९८२२१५९७०५
