महिला विश्वचषक २०२५ : सोफी डिव्हाईनकडून निवृत्ती जाहीर
विशाखापट्टणम : महिला एकदिवसीय विश्वचषकातील इंग्लंडने त्यांचा शेवटचा लीग सामना जिंकला आणि न्यूझीलंडचा ८ गडी राखून पराभव केला. या सामन्याने न्यूझीलंडच्या स्पर्धेतील मोहिमेचा शेवट पराभवाने झाला. त्यानंतर संघाची कर्णधार सोफी डिव्हाईनने एकदिवसीय क्रिकेटमधून निवृत्ती घेतली.
विशाखापट्टणम येथील डीवायएस राजशेखर स्टेडियमवर झालेल्या या सामन्यात न्यूझीलंडने फलंदाजीचा निर्णय घेतला. त्यांचा डाव फक्त १६८ धावांवर संपला. इंग्लंडने २९.२ षटकांत केवळ दोन विकेट गमावून लक्ष्य गाठले. ८६ धावा करणाऱ्या एमी जोन्सला सामनावीर म्हणून गौरविण्यात आले.
नाणेफेक जिंकून प्रथम फलंदाजी करण्याचा निर्णय घेणाऱ्या न्यूझीलंडची सुरुवात खराब झाली. संघाने सहाव्या षटकात सुझी बेट्सची विकेट गमावली, ती फक्त १० धावा काढू शकली. त्यानंतर जॉर्जिया प्लिमरने अमेलिया केरला साथ दिली, परंतु दोघेही सलग चेंडूंवर बाद झाल्या. प्लिमरने ४३ आणि अमेलियाने ३५ धावा केल्या.कर्णधार सोफी डिव्हाईनने न्यूझीलंडला स्थिरावण्याचा प्रयत्न केला. ब्रुक हॅलिडे आणि मॅडी ग्रीन अनुक्रमे ४ आणि १८ धावांवर बाद झाल्या. डेव्हाईनही संघाच्या धावसंख्या १५५ वर असताना बाद झाली. त्यानंतर, संघाने त्यांचे शेवटचे चार बळी फक्त १३ धावांत गमावले.न्यूझीलंडची कर्णधार सोफी डेव्हाईनने २३ धावा केल्या.
डेव्हाईन २३ धावा, इसाबेल गेज १४ धावा आणि जेस केर १० धावा काढून बाद झाली. ली ताहुहूने २ धावा आणि एडन कार्सनने १ धावा केल्या. रोझमेरी मेयरला खातेही उघडता आले नाही. इंग्लंडकडून लिन्से स्मिथने ३ बळी घेतले. नताली सायव्हर-ब्रंट आणि अॅलिस कॅप्सीने प्रत्येकी २ बळी घेतले. चार्ली डीन आणि सोफी एक्लेस्टनने प्रत्येकी १ बळी घेतला. एक फलंदाज धावबाद झाली.१६९ धावांच्या लक्ष्याचा पाठलाग करताना इंग्लंडने दमदार सुरुवात केली. टॅमी ब्यूमोंट आणि यष्टीरक्षक एमी जोन्स यांनी ७५ धावांची सलामी भागीदारी केली. ब्यूमोंट ४० धावांवर बाद झाली. त्यानंतर कर्णधार सेव्हर-ब्रंटने ३३ धावा करून संघाला १५० धावांच्या पुढे नेले.
शेवटी, डॅनी वायट-हॉजने एमी जोन्ससह २९.२ षटकांत संघाला विजय मिळवून दिला. जोन्स ८६ आणि डॅनी २ धावांवर नाबाद राहिल्या. न्यूझीलंडकडून सोफी डिव्हाईन आणि ली ताहुहू यांनी प्रत्येकी एक बळी घेतला.बॉक्स
डिव्हाईनची कारकीर्द
न्यूझीलंडची कर्णधार सोफी डेव्हाईनने २००६ मध्ये एकदिवसीय क्रिकेटमध्ये पदार्पण केले. तिने संघासाठी १५९ सामने खेळले आणि नऊ शतकांसह ४२७९ धावा केल्या. तिने १८ अर्धशतकेही केली. तिच्या नेतृत्वाखाली संघाने गेल्या वर्षी टी-२० विश्वचषक जिंकला, परंतु एकदिवसीय विश्वचषकाच्या उपांत्य फेरीत पोहोचण्यात अपयशी ठरला.
उपांत्य फेरीत इंग्लंडचा सामना दक्षिण आफ्रिकेशी
इंग्लंडने त्यांचा शेवटचा लीग स्टेज सामना जिंकला, जो स्पर्धेतील त्यांचा पाचवा विजय होता. संघाने लीग स्टेजमध्ये ११ गुणांसह शेवट केला, फक्त ऑस्ट्रेलियाकडून पराभव पत्करावा लागला. संघ आता २९ ऑक्टोबर रोजी गुवाहाटी येथे उपांत्य फेरीत दक्षिण आफ्रिकेविरुद्ध खेळेल. दुसरा उपांत्य सामना ३० ऑक्टोबर रोजी भारत आणि ऑस्ट्रेलिया यांच्यात खेळला जाईल.
