चंदन, इशिताचा टेबल टेनिसमध्ये ‘डबल धमाका’

पणजी : फोंडा येथील क्रीडा संकुलात नुकत्याच पार पडलेल्या पहिल्या अखिल गोवा मेजर मानांकन टेबल टेनिस स्पर्धेत, चंदन कारो आणि इशिता कुलासो या युवा प्रतिभावान खेळाडूंनी प्रत्येकी दोन विजेतेपदे पटकावत क्रीडाप्रेमींचे लक्ष वेधून घेतले. फोंडा टेबल टेनिस स्पोर्ट्स क्लबने गोवा टेबल टेनिस असोसिएशनच्या सहकार्याने आयोजित केलेल्या या स्पर्धेत अनेक थरारक सामने पाहायला मिळाले.

अखिल गोवा मेजर मानांकन टेबल टेनिस स्पर्धेत विविध गटांत विजेत्या ठरलेल्या खेळाडूंसाेबत प्रमुख पाहुणे.

स्पर्धेच्या अंतिम सामन्यांना प्रमुख पाहुणे म्हणून माजी क्रिकेटपटू स्वप्नील अस्नोडकर, जीटीटीए अध्यक्ष सुदिन वेरेकर, जीटीटीए सचिव ख्रिस्तोफर मेनेझिस, नगरसेवक शौनक बोरकर, शिवानंद सावंत, माजी अध्यक्ष शांताराम कोळवेकर आणि क्लबचे अधिकारी विश्वनाथ प्रभू व अमोग नामशिकर यांच्यासह अनेक मान्यवर व क्रीडाप्रेमींनी हजेरी लावली.

गोव्याची आणखी एक उदयोन्मुख स्टार खेळाडू इशिता कुलासोने देखील चंदनसारखीच कामगिरी केली. तिने मुलींच्या १५ वर्षांखालील गटाच्या अंतिम फेरीत आर्ना लोटलीकरवर ३-० अशी सहज सरशी साधली. त्यानंतर, मुलींच्या १९ वर्षांखालील गटातील अंतिम लढत खऱ्या अर्थाने थरारक ठरली. इशिताने नीझा कामतला ३-२ असे हरवत दुसरे विजेतेपद पटकावले. हा सामना अत्यंत चुरशीचा झाला आणि अखेरच्या क्षणापर्यंत दोन्ही खेळाडूंनी विजयासाठी जीव तोडून प्रयत्न केले. इशिताच्या जिद्दीने आणि संयमाने तिने हा रोमहर्षक विजय खेचून आणला.

🏅 इतर गटांमधील विजेते