विम्बल्डन २०२५ : पुरुष दुहेरीमध्ये उलटफेर
लंडन : विम्बल्डनच्या विमेन्स सिंगल्स स्पर्धेत पोलंडची अव्वल टेनिसपटू इगा स्वातेकने उपांत्य फेरीत स्थान मिळवले आहे. तिने क्वार्टर फायनलमध्ये रशियाच्या ल्यूडमिला सॅमसनोवाला सरळ सेटमध्ये हरवले. तर पुरुष एकेरीत गतविजेत्या कार्लोस अल्काराझनेही उपांत्य फेरीत प्रवेश केला आहे.
विमेन्स सिंगल्सच्या क्वार्टर फायनलमध्ये मोठा उलटफेर पाहायला मिळाला. स्वित्झर्लंडच्या गैर-मानांकित बेलिंडा बेनकिकने रशियाच्या वर्ल्ड नंबर-७ मीरा एंड्रीवाला हरवून स्पर्धेतून बाहेर केले. बेनकिकने हा अटीतटीचा सामना ७-६ (७-३), ७-६ (७-२) अशा फरकाने जिंकत उपांत्य फेरीत धडक मारली. दुसरीकडे, वर्ल्ड नंबर-८ स्वातेकने सॅमसनोवाला ६-२, ७-५ अशा सरळ सेटमध्ये हरवून उपांत्य फेरीत आपले स्थान निश्चित केले.
विमेन्स सिंगल्सच्या उपांत्य फेऱ्यांचे सामने निश्चित झाले आहेत. १० जुलै रोजी वर्ल्ड नंबर-१ एरिना सबालेंकाचा सामना अमेरिकेच्या अमांडा एनिसिमोवाशी होईल, तर वर्ल्ड नंबर-८ इगा स्वातेक बेलिंडा बेनकिकशी भिडेल.
पुरुष दुहेेरीत वर्ल्ड नंबर-२ जोडी बाहेर
पुरुष दुहेेरीमध्ये बुधवारी अनपेक्षित निकाल लागले. ब्रिटनच्या लॉयड ग्लासपूल आणि जुलियन कॅश या वर्ल्ड नंबर-५ जोडीने ब्रिटनच्या हेन्री पॅटर्न आणि फिनलंडच्या हॅरी हेलिओवारा या वर्ल्ड नंबर-२ जोडीला हरवले. या सामन्यात ब्रिटिश जोडीला ६-४, ४-६, ७-६ (१०-८) अशा फरकाने क्वार्टर फायनलमध्ये पराभव पत्करावा लागला.
बुधवारच्या दुसऱ्या क्वार्टर फायनलमध्ये स्पेनच्या मार्सेल ग्रॅनोलर्स आणि अर्जेंटिनाच्या होरासियो जेबालोस या वर्ल्ड नंबर-४ जोडीने ब्रिटनच्या नील स्कूपस्की आणि जो सालिसबरी या वर्ल्ड नंबर-६ जोडीला हरवले. या जोडीने ७-६ (८-६), ७-६ (७-३) अशा फरकाने सामना जिंकला.
अल्काराझ पुरुष एकेरीच्या उपांत्य फेरीत
विम्बल्डनचा गतविजेता स्पेनचा कार्लोस अल्काराझने मेन्स सिंगल्सच्या उपांत्य फेरीत प्रवेश केला आहे. त्याने क्वार्टर फायनलमध्ये ब्रिटनच्या कॅमरन नोरीला ६-२, ६-३, ६-३ अशा सरळ सेटमध्ये हरवले. उपांत्य फेरीत त्याचा सामना अमेरिकेच्या टेलर फ्रिट्झशी होणार आहे.
