सनरायझर्सकडून यजमानांचा ५ गडी राखून पराभव; हर्षल पटेलची शानदार गोलंदाजी
हैदराबाद : आयपीएल २०२५ मध्ये शनिवारी रंगलेल्या सामन्यात सनरायझर्स हैदराबादने चेन्नई सुपर किंग्जवर ५ विकेट्सनी दणदणीत विजय मिळवला. हा सामना ८ चेंडू राखून जिंकत हैदराबादने आपल्या प्लेऑफच्या आशा कायम ठेवल्या असून, चेन्नईसाठी मात्र प्लेऑफचे गणित अधिकच अवघड झाले आहे.
✨ विशेष म्हणजे, हा इतिहासातील असा पहिलाच प्रसंग ठरला आहे की, सनरायझर्स हैदराबादने चेपॉक मैदानावर चेन्नई सुपर किंग्जला पराभूत केले आहे. या ऐतिहासिक विजयाने हैदराबादच्या संघाने नव्या आत्मविश्वासाची चुणूक दाखवली आहे.
नाणेफेक गमावून प्रथम फलंदाजी करताना चेन्नईची सुरूवात निराशाजनक झाली. सलामीवीर शेख रशीद पहिल्याच चेंडूवर शून्यावर बाद झाला. अखेर संघ १९.५ षटकांत १५४ धावांवर आटोपला.
हर्षल पटेलने ४ बळी घेत सामन्याचे चित्रच बदलून टाकले. हैदराबादने १८.४ षटकांत १५८/५ करत विजय मिळवला.
आयपीएल २०२५ मधील ४३ व्या सामन्यात चेन्नई सुपर किंग्जविरुद्ध मैदानात उतरून महेंद्रसिंह धोनीने आपल्या टी-२० कारकिर्दीतील ४००वा सामना पूर्ण करत ऐतिहासिक टप्पा गाठला.
सनरायझर्स हैदराबादकडून खेळताना मोहम्मद शमीने चेन्नई सुपर किंग्जविरुद्ध पहिल्याच चेंडूवर विकेट घेत ऐतिहासिक पराक्रम केला. पण दुसऱ्याच चेंडूवर त्याच्याकडून अशी चूक झाली, जी क्रिकेटच्या इतिहासात फारच कमी पाहायला मिळते.
