प्रकृती चिंताजनक असल्याने त्यांना बंगळुरू येथील अपोलो रुग्णालयात हलवण्यात आले
बंगळुरू : चित्रदुर्ग जिल्ह्यातील जे जे हळ्ळी नजीक झालेल्या अपघातात कर्नाटक विधानसभेचे उपसभापती व कर्नाटक विधानसभा याचिका समितीचे अध्यक्ष रुद्राप्पा मानप्पा लमाणी गंभीर जखमी झाले असून, दावणगिरी या ठिकाणी एस एस रुग्णालयात त्यांच्यावर उपचार सुरू होते.
रुद्राप्पा मानप्पा लमाणी यांनी त्यांची कार चित्रदुर्गातील महामार्गानजीक जे.जे. हळ्ळीजवळ थांबवली आणि ते पाणी पिण्यासाठी कारमधून उतरले असता भरधाव वेगाने येणाऱ्या दुचाकीस्वाराने त्यांना जोराची धडक दिली. यात ते गंभीर जखमी होऊन जागीच कोसळले. त्यांना तात्काळ दावणगीरी येथील रुग्णालयात दाखल करून अतिदक्षता विभागात उपचार करण्यात आले. परंतु प्रकृती चिंताजनक असल्याने त्यांना बंगळुरू येथील अपोलो रुग्णालयात हलवण्यात आले आहे.
