भूस्खलनानंतर रस्ता तयार करण्याचे काम सुरु असताना भारतीय सैन्य दलाचे वाहन ८०० फूट खोल दरीत कोसळले होते
कोल्हापूर : मणिपूरमध्ये नियुक्त असलेल्या कोल्हापूरच्या जवानाला वीरमरण आले आहे. भारतीय सैन्य दलाचे वाहन ८०० फूट खोल दरीत कोसळले. मणिपूर येथे भूस्खलनानंतर रस्ता तयार करण्याचे काम सुरु होते. त्याच दरम्यान सैन्यदलाच्या वाहनाचा मोठा अपघात झाला. या अपघातामध्येकोल्हापूरचे जवान सुनिल गुजर यांना वीरमरण प्राप्त झाले. या घटनेमुळे गुजर यांच्या गावासह कोल्हापूरमध्ये शोककळा पसरली आहे. त्यांचे पार्थिव कोल्हापुरच्या शाहुवाडी तालुक्यातील शित्तूर मलकापूर गावी पाठवले जाणार आहे.
जवान सुनिल गुजर यांच्या पश्चात त्यांचे आईवडील, भाऊ आणि अवघ्या सहा महिन्यांचा मुलगा असा परिवार आहे. अपघाताने गुजर परिवारावर मोठा आघात झाला आहे. या घटनेमुळे गावकऱ्यांनी देखील हळहळ व्यक्त केली आहे. २०१९ मध्ये सुनिल गुजर यांनी भारतीय सैन्यामध्ये प्रवेश घेतला होता. पुण्यातील बॉम्बे इंजिनिअरिंग ग्रुप येथून त्यांनी प्रशिक्षण पूर्ण केले होते. त्यानंतर गुजर यांची नियुक्ती ११० बॉम्बे इंजिनिअरिंग रेजिमेंटमध्ये झाली होती.
