फोंडा : फर्मागुडी येथे मंगळवारी रात्री उशिरा मालवाहू ट्रकला मागून स्कुटरची धडक बसून नवदीप नाईक (३०, पारपतीवाडा- बोरी) हा स्कुटर चालक जखमी झाला. जखमीला अधिक उपचारासाठी गोमेकॉत दाखल करण्यात आले आहे. फोंडा पोलिसांनी अपघाताचा पंचनामा केला आहे.
प्राप्त माहितीनुसार जीए -०८-यु -८९७२ क्रमांकाचा मालवाहू ट्रक फर्मागुडीहुन ढवळी मार्गाने जात होता. त्यावेळी मागून जाणारी जीए - ०५- व्ही - ५६९७ क्रमांकाच्या स्कुटरची धडक ट्रकला बसली. यात स्कुटर चालक जखमी झाला. पोलीस वाहनातून जखमीला उपजिल्हा इस्पीतळात दाखल करण्यात आले. त्यानंतर अधिक उपचारासाठी जखमीला गोमेकॉत नेण्यात आले आहे.
