या चित्रपटाला विविध श्रेणींमध्ये ४ पुरस्कार प्राप्त
पणजी : यूएस प्रॉडक्शनचा 'अमेरिकन वॉरियर' या चित्रपटाचा आशिया प्रदर्शन सोहळा २४ नोव्हेंबर रोजी गोव्यातील आयनॉक्स, पणजी येथे ५५ व्या आंतरराष्ट्रीय चित्रपट महोत्सवात झाला. या चित्रपटाला प्रेक्षकांचा उस्फूर्त प्रतिसाद मिळाला.
अभिनेता टेलर ट्रेडवेल, विशी अय्यर, जॉर्डी कॅस, यांच्यासह निर्माता रशाना शहा, क्रिस्टी कूर्स बीसले आणि नवीन चथापुरम यांनी रेड कार्पेटवर विशेष उपस्थिती दर्शवली होती.
इफ्फी व्यतिरिक्त अमेरिकन वॉरियर हा चित्रपट '३३ वा हार्टलँड चित्रपट महोत्सव, टॉलग्रास चित्रपट महोत्सव, तसवीर चित्रपट महोत्सव, सॅन अँटोनियो चित्रपट महोत्सव आणि २०२४ मध्ये सांता फे चित्रपट महोत्सव' यांसह असंख्य आंतरराष्ट्रीय महोत्सवांमध्ये अधिकृत स्पर्धेत आहे. या चित्रपटाला विविध श्रेणींमध्ये ४ पुरस्कार मिळाले असून त्यात सर्वोत्कृष्ट अभिनेत्री पुरस्कार वेरोनिका फाल्कन आणि सर्वोत्कृष्ट सिनेमॅटोग्राफर पुरस्कार डेरेक फिशर यांना मिळाला आहे.
