टॉम क्रूझ नवीन मिशन : इम्पॉसिबल - डेड रेकनिंग पार्ट १ ट्रेलरमध्ये आयएमएफ एजंट एथन हंट म्हणून परत आला आहे. जबरदस्त स्टंटसह नवीन ट्रेलर पाहून असे वाटते की टॉमसाठी हे सर्वात आव्हानात्मक मिशन असेल.
ट्रेलरची सुरुवात एजंट एथन हंटच्या बाईक एंट्रीने होते. जो त्याची बाईक खडकाच्या एका कोपऱ्यात नेऊन थांबवतो. या ट्रेलरमध्ये एजंट यूजीन किट्रिज इथनला चेतावणी देताना दिसत आहे की हे मिशन त्याला महागात पडणार आहे. कारण इथन आणि त्याची टीम मानवांना नष्ट करण्यासाठी डिझाइन केलेल्या शस्त्राचा मागोवा घेण्याचा प्रयत्न करतात.
या नवीन मिशनमध्ये टॉमसोबत विंग रेम्स, सायमन पेग, रेबेका फर्ग्युसन आणि व्हेनेसा किर्बी देखील दिसणार आहेत. ट्रेलर पाहून मिशनची संपूर्ण कथा समजणे कठीण आहे, परंतु हे स्पष्ट आहे की ते अॅक्शन-पॅक, आश्चर्यकारक सेट पीस आणि थ्रिलरने परिपूर्ण आहे.
'मिशन: इम्पॉसिबल'चा ट्रेलर बुधवारी (१७ मे) रोजी यूट्यूबवर प्रदर्शित झाला ज्याला प्रेक्षकांचा चांगला प्रतिसाद मिळाला. काही चाहते टॉम क्रूझच्या पुनरागमनाबद्दल आनंद व्यक्त करत आहेत, तर काहीजण नवीन मिशनच्या रिलीजबद्दल उत्साह दाखवत आहेत आणि आतुरतेने वाट पाहत आहेत.
'मिशन: इम्पॉसिबल - डेड रेकनिंग पार्ट १' रिलीज करताना अनेक समस्यांना तोंड द्यावे लागले. हा चित्रपट २०१९ च्या सुरुवातीला बनवण्याची घोषणा करण्यात आली होती. कोविड-१९ साथीच्या आजारामुळे शूटिंगला उशीर झाला आणि २०२० च्या अखेरीस, टॉम क्रूझचे एक ऑडिओ रेकॉर्डिंग लीक झाले ज्यामध्ये तो दोन क्रू मेंबर्सवर ओरडताना दिसला. यात अपशब्द ऐकू येत होते. डिसेंबर २०२० मध्ये जेव्हा टॉम आणि क्रू इंग्लंडमध्ये चित्रपटाचे शूटिंग करत होते तेव्हा हे रेकॉर्डिंग होते. या सर्व अडथळ्यांनंतर अखेर चित्रपटाचे शूटिंग सप्टेंबर २०२१ मध्ये पूर्ण झाले.
२०२४ मध्ये होणार रिलीज
मिशन इम्पॉसिबल - डेड रेकनिंग : पार्ट १ हा क्रिस्टोफर मॅक्वेरी लिखित आणि दिग्दर्शित चित्रपट आहे जो १२ जुलै रोजी प्रदर्शित होणार आहे. याशिवाय 'डेड रेकनिंग पार्ट टू' देखील पुढील वर्षी २८ जून २०२४ रोजी रिलीज होणार आहे आणि इथेन हंटच्या भूमिकेत टॉमचा हा शेवटचा अध्याय असेल असे बोलले जात आहे.
