केसरी, घाटी, सिनर्स प्रेक्षकांच्या भेटीला या आठवड्यापासून ओटीटी प्लॅटफॉर्म आणि चित्रपटगृहांत जबरदस्त मनोरंजनाची मेजवानी सजली आहे. १८ एप्रिल २०२५ रोजी प्रदर्शित होणाऱ्या चित्रपट आणि वेबसीरिजमध्ये थरार, भय, हास्य आणि इतिहास यांचा समावेश असून, प्रत्येक प्रेक्षकाच्या आवडीनुसार काही ना काही खास आहे.
प्लॅटफॉर्म: अमेझॉन प्राइम व्हिडिओ
कलाकार: मोनिका पवार, रजत कपूर, गीतांजली कुलकर्णी
दिल्लीतील महिला वसतिगृहात घडणारी 'खौफ' ही थरारक हॉरर सीरिज प्रेक्षकांना भयाचा खरा अनुभव देईल. मदू नावाच्या तरुणीच्या भूतकाळातून सुटण्याच्या प्रयत्नांची ही कहाणी, एका अज्ञात आणि धोकादायक शक्तीशी तिची झुंज दाखवते.
प्लॅटफॉर्म: झी-५
कलाकार: बाबिल खान, रसिका दुग्गल
डिजिटल प्रसिद्धीच्या अंधारलेल्या बाजूवर भाष्य करणारा 'लॉगआउट' हा थरारक अनुभव देणारा चित्रपट आहे. १० मिलियन फॉलोअर्स असलेला प्रभावशाली डिजिटल इन्फ्लुएंसर प्रत्युष, जेव्हा आपला फोन गमावतो, तेव्हा त्याचे आयुष्य उलथून जाते.
प्लॅटफॉर्म: नेटफ्लिक्स
दिग्दर्शक: ग्रेग टिल्मन
१९९५ मध्ये अमेरिकेतील अल्फ्रेड पी. मुराह फेडरल बिल्डिंगवर झालेल्या भीषण बॉम्बस्फोटाची सखोल चौकशी करणारी ही डॉक्युमेंटरी लक्षवेधी आहे. १६८ जणांचे जीव गेलेल्या या घटनेनंतर घडलेली तपासणी, संघर्ष आणि शौर्यकथा यातून उलगडतात.
प्लॅटफॉर्म: झी-५
कलाकार: अँटोनी वर्गीज, मो इस्माईल
'दावीद' ही एक उत्कंठावर्धक मल्याळम स्पोर्ट्स ड्रामा आहे. माजी बॉक्सर असीक अबूची कहाणी त्याच्या सुरक्षारक्षकाच्या नोकरीतून पुन्हा बॉक्सिंगकडे वळताना दाखवते. तुर्कीचा चॅम्पियन बॉक्सर साईनुल अख्मादोव याचे रक्षण करताना उलगडणारी ही कथा प्रेरणादायी आहे.
प्लॅटफॉर्म: अमेझॉन प्राइम व्हिडिओ
कलाकार: अनुष्का शेट्टी, विक्रम प्रभू, राम्या कृष्णन
'घाटी' ही तेलुगू अ‍ॅक्शन ड्रामा एक गुन्हेगारी जगतात अडकलेल्या महिलेला केंद्रस्थानी ठेवते. गांजाच्या तस्करीत अडकून आपल्या अस्तित्वाची पुनःरचना करणारी ही कथा, एका सामान्य महिलेला दंतकथेसारखे रूप देताना दाखवते.
प्लॅटफॉर्म: जिओहॉटस्टार
कलाकार: अर्जुन कपूर, भूमी पेडणेकर, रकुल प्रीत सिंग
हसत-हसत गुंतवून ठेवणारी ही कथा अंकुर नावाच्या तरुणाची आहे, जो आपल्या पूर्व पत्नी आणि सध्याच्या पत्नीमध्ये अडकला आहे. पण जेव्हा त्याची पूर्व पत्नी स्मृतिभ्रंशामुळे पुन्हा त्याच्या आयुष्यात परतते, तेव्हा सुरस घटनांची मालिका सुरू होते.
प्लॅटफॉर्म: चित्रपटगृह
कलाकार: अक्षय कुमार, आर. माधवन, अनन्या पांडे
स्वातंत्र्यलढ्यातील महत्त्वाचा चेहरा सी. शंकरन नायर यांच्या भूमिकेतून ही कथा उलगडते. जालियांवाला बाग हत्याकांडाच्या भयंकर सत्याचा पर्दाफाश करताना नायर यांची ब्रिटिश सत्तेविरुद्धची लढाई या चित्रपटात दाखवण्यात आली आहे.
प्लॅटफॉर्म: चित्रपटगृह
कलाकार: मायकेल बी. जॉर्डन, हेली स्टेनफेल्ड
'सिनर्स' हा एक भयप्रद अनुभव आहे. आपल्या भूतकाळातून पळ काढणाऱ्या जुळ्या भावांची ही कथा, त्यांच्या मूळ गावी परतल्यानंतर उलगडणाऱ्या आणखी भयंकर रहस्यांकडे नेते. मनोवैज्ञानिक भय आणि अलौकिक घटकांचा मिश्रण असलेला हा चित्रपट.
