कुणाला घाबरवतात, तर कुणाला रडवतात

प्रेक्षकांना त्या चित्रपटांशी अधिक जोडलेले वाटते, ज्यातून त्यांना त्यांच्या आजूबाजूच्या कथेबद्दल माहिती मिळते. त्यामुळे खऱ्या घटनांवर आधारित चित्रपटांबाबत प्रेक्षकांमध्ये अधिक उत्सुकता असते, मग त्यात मोठी स्टारकास्ट आहे की नाही, याने फारसा फरक पडत नाही. चला, आम्ही तुम्हाला सत्य घटनांवर बनवलेल्या काही उत्तमोत्तम चित्रपटांबद्दल सांगतो, त्यातील काही तुम्ही नक्कीच पाहिल्या असतील.

असे अनेक प्रेक्षक आहेत, ज्यांना सत्य घटनांवर बनवलेले चित्रपट खूप आकर्षित करतात. तुम्हालाही असेच सिनेमे आवडत असतील, तर अक्षय कुमारच्या 'स्पेशल २६'पासून ते इरफान खानच्या 'तलवार'पर्यंत ओटीटी प्लॅटफॉर्मवर एकापेक्षा एक चित्रपट उपलब्ध आहेत.

'स्पेशल २६'
नीरज पांडे दिग्दर्शित या सिनेमात १९८० च्या दशकातील काही घटना अतिशय मनोरंजक पद्धतीने दाखवण्यात आल्या आहेत. या चित्रपटात अक्षय कुमारने मुख्य भूमिका साकारली आहे. आयएमडीबीकडून ८ रेटिंग मिळालेला हा चित्रपट जिओ सिनेमावर प्रेक्षकांसाठी उपलब्ध आहे.

'ब्लॅक फ्रायडे'
डिस्ने प्लस हॉटस्टारवरील हा चित्रपट १९९३ मध्ये मुंबईत झालेल्या साखळी बॉम्बस्फोटांवर आधारित होता. विरोधामुळे हा चित्रपट कधीच चित्रपटगृहात प्रदर्शित होऊ शकला नाही. या चित्रपटाचे दिग्दर्शन अनुराग कश्यपने केले आहे. आयएमडीने 'ब्लॅक फ्रायडे'ला ८.४ रेटिंग दिले आहे.

नो वन किल्ड जोसिका
विद्या बालन आणि राणी मुखर्जी स्टारर हा सिनेमा 'जेसिका लाल हत्याकांड'वर बनला होता. आयएमडीबी ७.२ रेटिंग मिळालेल्या या चित्रपटाचे दिग्दर्शन राज कुमार गुप्ता यांनी केले आहे. सर्व ओटीटी दर्शक ज्यांना खऱ्या घटनांवर आधारीत चित्रपट आवडतात ते नेटफ्लिक्सवर याचा आनंद घेऊ शकतात.

'रुस्तम'
खऱ्या घटनेवर आधारित चित्रपट आवडणाऱ्या सर्व प्रेक्षकांसाठी हा चित्रपट एक चांगला पर्याय आहे. हा सिनेमा नेव्ही ऑफिसरने केलेल्या हत्येवर आधारित आहे. या चित्रपटात अक्षय कुमार आणि इलियाना डिक्रूझ यांच्या मुख्य भूमिका आहेत. जे दर्शक ते पाहू इच्छितात ते झी-५ वर त्याचा आनंद घेऊ शकतात.

‘तलवार’
या सर्वांसोबतच ओटीटी दर्शकही ‘तलवार’ या सिनेमाचा आनंद घेऊ शकतात. इरफान खान स्टारर हा चित्रपट डिस्ने प्लस हॉटस्टारवर उपलब्ध आहे. आयएमडीबीवर त्याला ८.१ रेटिंग दिले आहे.

शूटआउट अॅट लोखंडवाला
या चित्रपटात मुंबईतील लोखंडवाला कॉम्प्लेक्समध्ये झालेल्या चकमकीत मारल्या गेलेल्या गँगस्टर माया डोलसची कथा दाखवण्यात आली आहे. १६ नोव्हेंबर १९९१ रोजी एटीएस प्रमुख खान यांच्यासह ४०० पोलिसांची चकमक झाली. विवेक ओबेरॉयने चित्रपटात खलनायकाच्या भूमिकेत अप्रतिम काम केले आहे.

वन्स अपॉन अ टाइम इन मुंबई
चित्रपटात दाऊद इब्राहिम आणि हाजी मस्तान यांच्या जीवनकथेच्या निमित्ताने अंडरवर्ल्डचे अंधकारमय जग पडद्यावर दाखवण्याचा प्रयत्न करण्यात आला आहे. या चित्रपटाने बॉक्स ऑफिसवर चांगला व्यवसाय केला होता.

बॉर्डर
या चित्रपटाची कथा १९७१ च्या भारत-पाकिस्तान युद्धातील सत्य घटनांपासून प्रेरित आहे, ज्याचे दिग्दर्शन जेपी दत्ता यांनी केले होते.

रक्त चरित्र
हा चित्रपट आंध्र प्रदेशातील एका राजकारण्याच्या जीवनावर बनला आहे. यामध्ये विवेक ओबेरॉय मुख्य भूमिकेत होता. राजकारणात एखाद्या नेत्याला कोणत्या प्रकारच्या आव्हानांना तोंड द्यावे लागते हे या चित्रपटात दाखवण्यात आले आहे.