हणजूण पोलिसांची कारवाई
प्रतिनिधी। गोवन वार्ता
म्हापसा : वागातोर येथील मँगो ट्री येथे पार्क केलेल्या दुचाकीच्या चोरी प्रकरणी संशयित डॅनिएल दास आवेरो (रा. केरळ) याला हणजूण पोलिसांनी अटक केली.
ही चोरीची घटना दि. २५ सप्टेंबर रोजी दुपारी २ ते २.१५ च्या दरम्यान घडली होती. फिर्यादी परशुराम पाटील (रा. घाटेश्वरनगर, म्हापसा) यांनी पार्क केलेली जीए ०३ डब्लू १६२४ ही रेंट अ बाईट दुचाकी चोरीस गेली होती. पोलीस हवालदार डी. एच. गवंडी, कॉन्स्टेबल महेंद्र मांद्रेकर व रूपेश आजगावकर या पथकाने गुरुवारी सदर दुचाकीचा शोध घेतला. संशयिताला ताब्यात घेऊन चोरीच्या आरोपाखाली पोलिसांनी अटक केली.