बॉलिवूड अभिनेता हृतिक रोशन आणि त्याची पत्नी सुजैन खान हे फार पूर्वीपासून वेगळे झाले आहेत. मात्र, दोघांमध्ये चांगले बाँडिंग असून दोघेही मुलांचे संगोपन करत आहेत. दरम्यान, हृतिक रोशन आणि सबा आझाद एकत्र स्पॉट झाले होते आणि त्यानंतर दोघांच्या कथित नात्याच्या बातम्या येत आहेत. हृतिक रोशन आणि सबा आझाद तीन महिन्यांपूर्वी ट्विटरवर भेटले होते आणि हळूहळू त्यांचे नाते पुढे नेत असल्याचे म्हटले जात आहे.
हृतिक रोशन आणि सबा आझाद यांच्यातील नाते गंभीर आहे. हृतिकने सबा आझादची त्याच्या कुटुंबाशी ओळख करून दिली. हृतिक रोशनच्या कुटुंबासोबतचे तिचे फोटो व्हायरल झाले होते. आता हृतिक रोशन लवकरच सबा आझादसोबत लग्न करण्याचा विचार करत असल्याचे समजते.
हृतिक रोशन सबा आझादबद्दल खूप गंभीर आहे आणि त्यांना त्यांचे नाते पुढे न्यायचे आहे. तो लग्न करण्याचा विचार करत आहे. मात्र, अद्याप काहीही निर्णय झालेला नाही. त्याबद्दल दोघेही खूप खूश आहेत. अलीकडेच मित्र फरहान अख्तर आणि शिबानी दांडेकर यांच्या लग्नाला हजेरी लावणारा हृतिक रोशन खूप आनंदी दिसत होता आणि त्याला त्याच्यासारखे नाते जोडायचे आहे.
