नवी मुंबईजवळील शाहबाज गावात इंदिरा निवास नावाची इमारत कोसळली
नवी मुंबई : महाराष्ट्रातील नवी मुंबईत शनिवारी सकाळी भीषण अपघात झाला. मुसळधार पावसात तीन मजली इमारत अचानक कोसळली. ज्यामध्ये अनेक लोक अडकण्याची शक्यता आहे. घटनेची माहिती मिळताच पोलीस, अग्निशमन विभाग आणि एनडीआरएफचे पथक पोहोचले. सध्या लोकांना वाचवण्याचे काम सुरू आहे.
नवी मुंबईजवळील शाहबाज गावात इंदिरा निवास नावाची इमारत कोसळली. इमारत ग्राउंड प्लससह ३ मजली आहे. पहाटे ५ वाजता ही घटना घडल्याचे सांगण्यात येत आहे. अजूनही २ जण अडकले असण्याची शक्यता आहे. इमारत कोसळण्याचा अंदाज इमारतीतील लोकांना आधीच आला होता. त्यामुळे अनेक लोक आधीच इमारतीबाहेर पळून गेले होते.
नवी मुंबईचे महापालिका आयुक्त कैलाश शिंदे यांनी दिलेल्या माहितीनुसार, ही इमारत आज पहाटे ५ वाजण्यापूर्वी कोसळली. सेक्टर-१९, शाहबाज गावातील ही जी+३ इमारत आहे. ती ३ मजली इमारत होती. इमारतीतून ५२ जण सुरक्षित बाहेर आले होते. .या घटनेत दोन लोकांचा मृत्यू झाल्याची माहिती समोर येत असून अजून काहीजण ढिगाऱ्याखाली अडकले असण्याची शक्यता आहे. ही इमारत १० हून अधिक वर्ष जुनी आहे, चौकशी सुरू असून इमारतीच्या मालकावर कारवाई केली जाईल.