वाळपई: सत्तरी तालुक्यातील प्रसिद्ध सालेली धबधब्याजवळ रविवारी दुपारी एका उभ्या असलेल्या रिट्झ कारला अचानक भीषण आग लागल्याची दुर्दैवी घटना घडली. या दुर्घटनेत कार पूर्णपणे जळून खाक झाली असून सुमारे पाच लाख रुपयांचे नुकसान झाल्याचा प्राथमिक अंदाज अग्निशमन दलाने व्यक्त केला आहे. मात्र, वाळपई अग्निशमन दलाच्या जवानांनी दाखवलेल्या समयसूचकतेमुळे आणि तत्पर कारवाईमुळे आग वेळेत आटोक्यात आणण्यात यश आले, ज्यामुळे परिसरातील मोठा अनर्थ टळला.
मिळालेल्या अधिकृत माहितीनुसार, दुपारी १२.२८ वाजण्याच्या सुमारास सालेली धबधबा परिसरात वाहनाला आग लागल्याचा संदेश वाळपई अग्निशमन केंद्राला प्राप्त झाला. घटनेचे गांभीर्य ओळखून स्टेशन अधिकारी ज्ञानेश्वर जी. गावस यांच्या नेतृत्वाखालील पथक तात्काळ घटनास्थळाकडे रवाना झाले. आग लागलेली कार (नोंदणी क्रमांक GA-03-P-4077) ही काजुवाडा–कारापूर येथील रहिवासी मंजुना अम्माना भोवी यांच्या मालकीची आहे. धबधबा परिसरात गाडी पार्क केलेली असताना अचानक इंजिनच्या भागातून धूर निघून आगीचे लोट बाहेर पडू लागले. काही क्षणांतच या आगीने संपूर्ण वाहनाला आपल्या वेढ्यात घेतले.
अग्निशमन दलाच्या जवानांनी घटनास्थळी पोहोचून लागलीच पाण्याचा मारा सुरू केला. चालक तुळशीदास एस. झारमेकर, जवान गंगाराम डी. पावणे, ज्ञानेश्वर एस. सावंत आणि आनंद ए. शेटकर यांनी सुमारे तासाभरापेक्षा जास्त वेळ अथक प्रयत्न करून दुपारी १.५५ वाजण्याच्या सुमारास आग पूर्णपणे शांत केली. या कारवाईमुळे कारलगतची इतर मालमत्ता वाचवण्यात यश आले असून सुमारे ५० हजार रुपयांचे नुकसान टळले आहे.
सालेली धबधबा परिसरात सध्या पर्यटन हंगाम सुरू असल्याने पर्यटकांची मोठी वर्दळ असते. गर्दीच्या ठिकाणी घडलेल्या या घटनेमुळे पर्यटकांमध्ये व स्थानिकांमध्ये काही काळ घबराटीचे वातावरण निर्माण झाले होते. सुदैवाने या घटनेत कोणतीही जीवितहानी झाली नाही. वाहनांमधील शॉर्टसर्किट, इंजिनचे अतिउष्ण होणे किंवा इंधन गळती यांमुळे अशा दुर्घटना घडण्याची शक्यता असते. त्यामुळे वाहनधारकांनी आपल्या गाड्यांचे वायरिंग आणि इंजिनची