ही रेसिपी नेहमीच्या वडापाव किंवा बेसन डोशापेक्षा वेगळी दिसते आणि नाश्त्यासाठी किंवा संध्याकाळच्या खाण्यासाठी उत्तम आहे.
साहित्य : ४–५ उकडलेले बटाटे
१ मोठी वाटी बेसन
२ लहान चमचे गरम मसाला
१ बारीक चिरलेला कांदा
१ टोमॅटो बारीक चिरलेला
२ हिरव्या मिरच्या (बारीक चिरलेल्या)
४–५ लसूण पाकळ्या (ठेचलेल्या/बारीक चिरलेल्या)
१ लहान चमचा मोहरी
८–१० कढीपत्त्याची पाने
१ लहान चमचा हळद
चिमूटभर ओवा
चिमूटभर हिंग
बारीक चिरलेली कोथिंबीर
चवीनुसार मीठ
आवश्यकतेनुसार पाणी
तेल (भाजण्यासाठी)
कृती : १. सारण तयार करणे: उकडलेले बटाटे नीट कुस्करून घ्या. त्यात कांदा, टोमॅटो, हिरवी मिरची, लसूण, कोथिंबीर, गरम मसाला आणि चवीनुसार मीठ घालून व्यवस्थित एकत्र करून सारण तयार करा.
२. पीठ भिजवणे: दुसऱ्या भांड्यात बेसन, हळद, ओवा, हिंग, मीठ आणि आवश्यकतेनुसार पाणी घालून थोडे घट्टसर पीठ तयार करून घ्या.
३. पॉकेट बनवणे: तवा गरम करून त्यावर १ लहान चमचा तेल सोडा. आता त्यावर बेसनाचे मिश्रण थोडे पसरवा.
४. सारण भरणे व भाजणे: बेसन अर्धवट शिजल्यावर त्याच्या मध्यभागी बटाट्याचे सारण ठेवा. आता चारही बाजूंनी दुमडून (पॉकेटचा आकार देऊन) बंद करा. दोन्ही बाजूंनी मंद आचेवर सोनेरी आणि कुरकुरीत होईपर्यंत छान भाजून घ्या.
सर्व्हिंग टिप: गरमागरम पॉकेटचे तुकडे करून हिरवी चटणी, लसूण चटणी किंवा टोमॅटो सॉससोबत सर्व्ह करा!
- संचिता केळकर