मोरजी येथील खून प्रकरणी तिघा संशयितांना अटक

पेडणे: मोरजी वरचा वाडा येथील ज्येष्ठ नागरिक उमाकांत खोत यांच्या खून प्रकरणी मांद्रे पोलिसांनी तिघा संशयितांना अटक केली आहे. लोकेश पुत्तास्वामी (५३, बंगळुरू), रोहित कुमार प्रजापती (२०, झारखंड) आणि विजी सुप्पन (३६, तामिळनाडू) अशी अटक केलेल्यांची नावे आहेत. ५ नोव्हेंबर रोजी दुपारी दीड वाजता घडलेल्या या भीषण गुन्ह्यात उमाकांत खोत यांच्या डोक्यावर मोठ्या वस्तूने आघात केल्याने मेंदूला इजा होऊन मृत्यू झाल्याचे चिकित्सा अहवालात समोर आले आहे.