स्टीअरिंग गियर बिघाडामुळे ११ दिवस समुद्रात अडकले
पणजी : गोव्यातील मासेमारी बोटीतील (Goa Fishing Boat) ३१ जणांना भारतीय तटरक्षक दलाने (Indian Coast Guard ) (ICG) कर्नाटकात (Karnataka) वाचवले. स्टीअरिंग गियर बिघाडामुळे मच्छीमारी बोट खोल समुद्रात ११ दिवस अडकली व वाहून जाऊ लागली. तटरक्षक दलाने खोल समुद्रातून त्यातील ३१ (31 Fishermen) जणांना होन्नावर किनारपट्टीला सुरक्षितपणे आणले.
भारतीय तटरक्षक दलाने कर्नाटकात अडचणीतून बाहेर काढलेल्या या मासेमारी बोटीचे आयएफबी ( IFB) सेंट अॅंटोन असे नाव आहे. यासंदर्भात जारी करण्यात आलेल्या अधिकृत प्रसिद्धीपत्रकानुसार, २४ ऑक्टोबर रोजी, गोवा स्थित समुद्रात अडकलेल्या बोटीची माहिती मिळाल्यानंतर, भारतीय तटरक्षक दल मुख्यालय क्रमांक ३ (कर्नाटक) ने शोध आणि बचाव मोहीम सुरू केली. मासेमारी बोट शेवटची न्यू मंगळुरूपासून सुमारे १०० नॉटिकल मैल अंतरावर नोंदवण्यात आली होती. नियमित गस्तीवर असलेल्या आयसीजीएस कस्तुरबा गांधी व कोचीहून तटरक्षक दलाच्या डॉर्नियर विमानाला बेपत्ता असलेल्या बोटीचा शोध घेण्यासाठी पाठवण्यात आले.
"इंटिग्रेटेड ऑपरेशन्स सेंटर आणि रिअल टाइम हवामान डेटाचा वापर करून, तटरक्षक दलाने बोटीचे ठिकाण शोधले व अपडेट केलेल्या ठिकाणी निर्देशित केले," असे प्रसिद्धीपत्रकात म्हटले आहे.
आयसीजीने म्हटले आहे की, २५ ऑक्टोबर रोजी डॉर्नियर विमानाने मासेमारी नौका यशस्वीरित्या पाहिली, ज्यामुळे आयसीजीएस कस्तुरबा गांधी घटनास्थळी पोहोचू शकले आणि लॉजिस्टिक्स सपोर्ट, नुकसान मूल्यांकन आणि स्टीअरिंग सिस्टमची साइटवर दुरुस्ती आणि आयएफबीची वॉटरटाइट अखंडता सुनिश्चित करण्यासह महत्त्वपूर्ण मदत प्रदान करू शकले.
जहाज स्थिर केल्यानंतर, तटरक्षक दलाच्या जहाजाने आयएफबी संत अँटोन-१ ला होन्नावर मासेमारी बंदरात सुरक्षितपणे ओढण्यासाठी दुसऱ्या आयएफबीकडे सोपवले. भारतीय तटरक्षक दलाने राबवलेल्या या यशस्वी मोहिमेमुळे बोटीवर असलेल्या गोव्यातील ३१ मच्छीमारांना वाचवणे शक्य झाले.
