बँकिंग क्षेत्रात सुवर्णसंधी: 'या' सरकारी बँकांमध्ये तब्बल ५० हजार जागांसाठी भरती! वाचा..

पणजीः तुम्ही बँकिंग क्षेत्रात नोकरीच्या शोधात असाल, तर तुमच्यासाठी एक आनंदाची बातमी आहे. आर्थिक वर्ष २०२५-२६ मध्ये देशातील सार्वजनिक क्षेत्रातील बँका सुमारे ५० हजार रिक्त जागा भरणार आहेत. ही माहिती केंद्र सरकारकडून देण्यात आली आहे. सार्वजनिक क्षेत्रातील बँका सामान्यतः आयबीपीएस (इन्स्टिट्यूट ऑफ बँकिंग पर्सनल सिलेक्शन) आणि एसबीआययांच्यामार्फत परीक्षा घेतात.

सेंट्रल बँक ऑफ इंडिया चालू आर्थिक वर्षात ४ हजार कर्मचाऱ्यांची भरती करण्याचं नियोजन करत आहे.  वित्त मंत्रालयाने सरकारी बँकांना त्यांचं कार्यक्षेत्र वाढवण्यास सांगितले आहे. याशिवाय बँकांच्या उपकंपन्यांना शेअर बाजारात लिस्ट करून चांगला परतावा मिळवण्यास सांगितल्याची माहिती मिळाली आहे.

भारतीय स्टेट बँकेत २० हजार जागांवर भरती
बँकिंग क्षेत्रात मोठा प्रमाणात पद भरती होणार असून यात भारतीय स्टेट बँक बँकेमध्ये वीस हजार जागा भरल्या जाणार आहेत. त्यामुळे बँकेची तयारी करणाऱ्या उमेदवारांसाठी ही मोठी संधी राहणार आहे. यामध्ये आतापर्यंत ५०५ प्रोबेशनरी ऑफिसर आणि १३,४५५ ज्युनिअर असोसिएट्स यांची भरती पूर्ण झाली आहे. यासोबत पंजाब नॅशनल बँक ५,५०० पेक्षा जास्त पदे, सेंट्रल बँक ऑफ इंडिया ४००० नवीन नियुक्त्या, बँक ऑफ बडोदा, युनियन बँक ऑफ इंडिया, केनरा बँक यामध्येही हजारोंच्या संख्येने भरती होणार आहे. हे सर्व बँकिंगमध्ये करिअर करू इच्छिणाऱ्या तरुणांसाठी सुवर्णसंधी ठरणार आहे.

पात्रता काय असणार? 
स्टेट बँक ऑफ इंडिया प्रोबेशनरी ऑफिसर पदासाठी कोणत्याही शाखेतील पदवीधर उमेदवार अर्ज करू शकतील. २१ ते ३० वयोगटातील तरुणांना यासाठी अर्ज दाखल करता येणार आहे. https://sbi.co.in/web/careers/Current-openings या संकेतस्थळावर जाऊन उमेदवारांना अर्ज करता येणार आहे. १४ जुलै ही अर्ज दाखल करण्याची शेवटची तारीख असणार आहे. अर्ज भरण्याच्या शुल्काची माहिती वेबसाईटवर उपलब्ध आहे.

निवड कशी होणार?
उमेदवारांची तीन टप्प्यांमध्ये निवड केली जाणार आहे. यामध्ये सर्वात आहे. प्रिलिमिनरी परीक्षा जी जुलै ते ऑगस्ट २०२५ मध्ये होण्याची शक्यता आहे. १०० गुणांसाठी असणाऱ्या या परीक्षेत ऑबजेक्टिव्ह प्रश्न असतील. दुसऱ्या टप्प्यात मुख्य परीक्षा असेल जी सप्टेबर २०२५ मध्ये घेतली जाईल. तर तिसऱ्या टप्प्यात सायकोमेट्रिक टेस्ट असणार आहे. जी ऑक्टोबर-नोव्हेंबरमध्ये घेतली जाईल. अभ्यासक्रम आणि इतर माहिती एसबीआयच्या वेबसाईटवर उपलब्ध आहे.