पणजी : मडगाव ईएसआय हॉस्पिटलात वैद्यकीय महाविद्यालय स्थापन करण्यास केंद्राने मान्यता दिली आहे. मुख्यमंत्री डॉ. प्रमोद सावंत यांनी पंतप्रधान नरेंद्र मोदी आणि केंद्रीय कामगार आणि रोजगार मंत्री मनसुख मांडवीय यांचे आभार मानले आहेत.
केंद्र सरकारने प्रस्तावित वैद्यकीय महाविद्यालयांची यादी जाहीर केली आहे. या यादीत मडगाव ईएसआय हॉस्पिटलच्या वैद्यकीय महाविद्यालयाचा समावेश आहे. गोव्यात वैद्यकीय महाविद्यालयाला मान्यता देण्यासाठी राज्य सरकारने केंद्राकडे प्रस्ताव सादर केला होता. या प्रस्तावाच्या मंजुरीमुळे गोव्यात दुसरे वैद्यकीय महाविद्यालय स्थापन होण्याचे निश्चित झाले आहे.
सरकार दक्षिण गोवा जिल्हा रुग्णालयात वैद्यकीय महाविद्यालय स्थापन करण्याचा प्रयत्न करत होते. आरोग्य मंत्र्यांनीही विधानसभेत ही घोषणा केली होती. खाजगी संस्थांशीही चर्चा सुरू होती. सरकारने दक्षिण गोव्यात एक वैद्यकीय महाविद्यालय आणि एक नर्सिंग महाविद्यालय असेल अशी घोषणा केली होती. आता, मुंबईतील ईएसआय हॉस्पिटलमधील वैद्यकीय महाविद्यालयाला मान्यता देण्यात आली आहे. पायाभूत सुविधा तसेच डॉक्टरांच्या गरजा पूर्ण करण्यासाठी आणखी एका वैद्यकीय महाविद्यालयाची आवश्यकता होती. दुसऱ्या महाविद्यालयाच्या मंजुरीमुळे आता ही गरज पूर्ण करणे शक्य होईल, असे मुख्यमंत्री प्रमोद सावंत म्हणाले.
