गंगटोक : सिक्कीममधील एका ४५ वर्षीय महिलेच्या पोटात कात्री आढळली आहे. सिक्कीमची राजधानी गंगटोक येथील सर थुटोब नामग्याल मेमोरियल हॉस्पिटलमध्ये २०१२ मध्ये महिलेवर अपेंडिक्सची शस्त्रक्रिया करण्यात आली होती, असे तिच्या पतीने सांगितले. यानंतर महिलेचे अपेंडिक्सचे दुखणे संपले.
मात्र, काही दिवसांनी तिला पुन्हा पोटदुखी होऊ लागली. अनेक डॉक्टरांचा सल्ला घेऊनही वेदना थांबत नव्हती. १२ वर्षे ती या समस्येशी झगडत राहिली. ८ ऑक्टोबर २०२४ हे दाम्पत्य पुन्हा त्याच हॉस्पिटलमध्ये गेले. येथे एक्स-रे दरम्यान पत्नीच्या पोटात शस्त्रक्रियेची कात्री असल्याचे उघड झाले.
एक्स-रे तपासणीनंतर पत्नीवर पुन्हा शस्त्रक्रिया केली व कात्री काढण्यात आली. तिची प्रकृती आता स्थिर असून ती हळूहळू बरी होत आहे. डॉक्टरांच्या निष्काळजीपणाचे वृत्त पसरल्यानंतर रुग्णालयाविरोधात संताप व्यक्त केला जात आहे. रुग्णालय प्रशासनाविरोधातही चौकशी सुरू करण्यात आली आहे.
डॉक्टरांच्या निष्काळजीपणाची मागील २ प्रकरणे
१) भोपाळ केअर हॉस्पिटलमध्ये महिलेच्या शस्त्रक्रियेदरम्यान डॉक्टरांनी नजरचुकीने एका महिलेच्या पोटात कात्री सोडली. शस्त्रक्रियेनंतर सुमारे चार महिन्यांनी, महिलेला पोटात तीव्र वेदना जाणवू लागल्या आणि तिने पुन्हा स्वतःची तपासणी केली. डॉक्टरांनी एक्स-रे करण्याचा सल्ला दिला. एक्स-रे अहवालात महिलेच्या पोटात कात्री असल्याचे समोर आल्याने ही बाब उघडकीस आली.
२) कानपूरच्या उर्साला हॉस्पिटलमध्ये किडनी स्टोनच्या ऑपरेशनदरम्यान डॉक्टरांच्या नजरचुकीमुळे महिलेच्या पोटात टॉवेल सोडला होता. यामुळे महिलेचा मृत्यू झाला.
