नवी दिल्ली : दिल्लीतील पुष्प नगर गुरुद्वारातील दानपेटीतून चोरी केल्याप्रकरणी दिल्ली पोलिसांनी २३ वर्षीय तरुणाला अटक केली आहे. रोहित नावाचा हा तरुण गुरुद्वारामध्ये सुरक्षा रक्षक होता आणि नोकरी सोडल्यानंतर त्याने गुरुद्वारातून अनेकदा चोरी केली. चोरीच्या पैशातून त्याने हप्त्याने (EMI) कारही खरेदी केली. मात्र, २ एप्रिल रोजी एफआयआर दाखल झाल्यानंतर पोलिसांनी तपास सुरू केला होता. रोहितने नुकतेच गुरुद्वारातून ५५ हजार रुपये चोरले होते. यातील ३५ हजार रुपये त्याने कार खरेदीसाठी खर्च केले.
रोहित नावाचा २३ वर्षीय तरुण दिल्लीतील पुष्प विहार गुरुद्वारामध्ये सुरक्षा रक्षक म्हणून काम करत होता. एप्रिल २०२३ ते डिसेंबर २०२३ या कालावधीत त्याने हे काम केले. यावेळी त्याने गुरुद्वाराच्या दानपेटीची बनावट चावी मिळवली. तेव्हापासून तो दानपेटीतून चोरी करत होता. कालांतराने त्याने नोकरी सोडली. जेव्हा गुरुद्वाराशी संबंधित इतर लोकांना चोरीचा संशय आला तेव्हा पोलिसांकडे तक्रार दाखल करण्यात आली आणि २ एप्रिल रोजी दिल्ली पोलिसांनी एफआयआर नोंदवला. यानंतर तपास सुरू करण्यात आला. सीसीटीव्ही फुटेज तपासण्यात आले आणि संशयाच्या आधारे पोलिसांनी तपास सुरू केला. चौकशीत रोहितने सांगितले की, त्याने गुरुद्वाराच्या दानपेटीतून अनेक वेळा पैसे चोरले आहेत.
रोहितने मागच्या वेळी ५५००० रुपये चोरले होते आणि ३५००० रुपये देऊन ईएमआयवर मोटारसायकलही खरेदी केल्याचे सांगितले. दिल्ली पोलिसांनी व्हिडिओ जारी करून संपूर्ण प्रकरण उघड केले.