किच्चा सुदीप आणि जॅकलिन फर्नांडिस यांच्या विक्रांत रोना या चित्रपटाच्या ट्रेलरला चांगला प्रतिसाद मिळाला. आता हा चित्रपट गुरुवारी बॉक्स ऑफिसवर प्रदर्शित झाला आहे. या चित्रपटाबद्दल चाहत्यांमध्ये प्रचंड क्रेझ असून त्याची झलक चित्रपटाच्या आगाऊ बुकिंगमध्ये पाहायला मिळते. विक्रांत रोना २-डी आणि थ्री-डी मध्ये एकूण पाच भाषांमध्ये प्रदर्शित होत आहे. त्याच वेळी, चित्रपटाच्या हिंदी आवृत्तीने अॅडव्हान्स बुकिंगच्या बाबतीत अल्लू अर्जुनच्या पुष्पा चित्रपटाच्या हिंदी आवृत्तीला मागे टाकले आहे.
अॅडव्हान्स बुकिंगमध्ये या चित्रपटाला चांगला प्रतिसाद मिळाला आहे. मीडिया रिपोर्ट्सनुसार, चित्रपटाने अॅडव्हान्स बुकिंगद्वारे ४.११ कोटी रुपये कमावले आहेत. या चित्रपटाच्या हिंदी आवृत्तीने आगाऊ बुकिंगद्वारे ३७ लाख रुपये कमावले आहेत. हे पुष्पा हिंदीसाठी ३५ लाख रुपयांच्या आगाऊ बुकिंग कलेक्शनपेक्षा जास्त आहे. त्याचबरोबर चित्रपटाच्या कन्नड आवृत्तीची तिकिटे सर्वाधिक बुक झाली आहेत. कन्नड भाषेत चित्रपटाने आगाऊ बुकिंगमधून ३.३० कोटींची कमाई केली आहे. यापैकी २-डी मध्ये ७० लाख रुपये आणि ३-डी मध्ये २.६० कोटी रुपये आहेत.
तामिळ, तेलुगुमध्ये एवढी कमाई
विक्रांत रोनाच्या तेलुगू व्हर्जनबद्दल बोलायचे झाले तर या चित्रपटाने आगाऊ बुकिंगद्वारे ३३ लाख रुपये कमवले आहेत. तमिळ आवृत्तीसाठी ११ लाख रुपयांची आगाऊ बुकिंग केली आहे. हा चित्रपट भारताव्यतिरिक्त परदेशातही १० भाषांमध्ये प्रदर्शित होत आहे. विक्रांत रोनाच्या स्टारकास्टमध्ये अभिनेता किच्चा सुदीप मुख्य भूमिकेत आहे. त्याचबरोबर या चित्रपटाचे दिग्दर्शन अनूप भंडारी यांनी केले आहे. या चित्रपटात जॅकलिन फर्नांडिस, नीरप भंडारी आणि नीता अशोक मुख्य भूमिकेत दिसणार आहेत.
विक्रांत रोनाच्या ट्रेलरनुसार, चित्रपटाची कथा एका गावाची आहे ज्याच्या जागेची भीती सर्वांना वाटते. मात्र, विक्रांत रोना (किच्चा सुदीप) घाबरत नाही. तो एका हत्येचे गूढ उकलण्यासाठी जातो.
