बॉलीवूड आणि दक्षिण चित्रपटसृष्टीत आपल्या अभिनय कौशल्याने नाव कमावणारी अभिनेत्री पूजा हेगडे अभिनयाच्या जगात प्रवेश करण्यापूर्वी २०१० मध्ये मिस युनिव्हर्स इंडियाची दुसरी उपविजेती होती. पूजा हेगडेने अल्पावधीतच करोडोंची संपत्ती कमावली आहे. एका चित्रपटासाठी ती तीन ते चार कोटी रुपये मानधन घेते.
पूजाचा जन्म १३ ऑक्टोबर १९९० रोजी मुंबईत झाला.अभिनयाच्या जगात पाऊल ठेवण्यापूर्वी, पूजा हेगडे २०१० मध्ये मिस युनिव्हर्स इंडियाची दुसरी उपविजेती होती. त्यानंतर तिच्या उत्कृष्ट अभिनयासोबतच या अभिनेत्रीची सोशल मीडियावरही मोठी फॅन फॉलोइंग आहे.
३३ वर्षीय पूजाने 'मूगामुडू' या तमिळ चित्रपटातून आपल्या अभिनय कारकिर्दीला सुरुवात केली. २०१२ मध्ये प्रदर्शित झालेला तिचा पहिला चित्रपट सुपरहिट ठरला होता. यानंतर ती आतापर्यंत १९ चित्रपटांमध्ये दिसली आहे.
पूजाने अल्पावधीतच करोडोंची संपत्ती कमावली आहे. लाइफस्टाइल एशियानुसार, पूजा ५१ कोटी रुपयांच्या मालमत्तेची मालकीण आहे. चित्रपट आणि जाहिराती हेच तिच्या उत्पन्नाचे मुख्य स्त्रोत आहेत.
रिपोर्ट्सनुसार, पूजा एका चित्रपटासाठी सुमारे ३ ते ४ कोटी रुपये घेते आणि ब्रँड एंडोर्समेंटसाठी ती सुमारे ४० लाख रुपये घेते. चित्रपटांसोबतच पूजा अनेक ब्रँड्सचे प्रमोशनही करते. प्रेस्टीज, मिंत्रा, बाटा, पेप्सी, लॉरियल पॅलेस, ओप्पो आणि क्लोज अप अशा अनेक ब्रँडच्या जाहिरातींमध्ये ती दिसली आहे.
पूजा लक्झरी कारचीही शौकीन आहे. तिच्या कार कलेक्शनमध्ये २ कोटी रुपयांची पोर्श केयेन, ६० लाख रुपयांची जग्वार आणि ८० लाख रुपयांची ऑडी क्यू-७ कार व रेंज रोव्हर आहे. पूजाकडे मुंबईतील वांद्रे येथे सी-फेसिंग ३बीएचके अपार्टमेंट आहे ज्याची किंमत ६ कोटी रुपये आहे. याशिवाय तिच्याकडे हैदराबादमध्ये ४ कोटी रुपयांचे आलिशान घर आहे.
वर्क फ्रंटबद्दल बोलायचे झाले तर, पूजा हेगडे शेवटची सलमान खानच्या 'किसी का भाई किसी की जान' या चित्रपटात दिसली होती. आता ती लवकरच अक्षय कुमारसोबत 'हाऊसफुल ५' मध्ये दिसणार आहे.
