दिली पंचायतीवर धडक
सावर्डे: मिराबाग-सावर्डे येथील जुवारी नदीवर प्रस्तावित असलेल्या बंधारा प्रकल्पाविरोधात स्थानिकांनी आक्रमक पवित्रा घेतला असून, सावर्डे ग्रामपंचायतीवर जोरदार धडक दिली. मोठ्या संख्येने जमलेल्या ग्रामस्थांनी पंचायत कार्यालयाला घेराव घालून या प्रकल्पाचा तीव्र निषेध केला. या प्रकल्पामुळे पर्यावरणाची हानी होण्याची आणि स्थानिकांच्या उपजीविकेवर गदा येण्याची भीती आंदोलकांनी व्यक्त केली आहे.
प्रकल्प रद्द करण्याच्या मागणीसाठी निदर्शकांनी जोरदार घोषणाबाजी करत परिसर दणाणून सोडला. कोणताही निर्णय घेण्यापूर्वी स्थानिक जनतेला विश्वासात घ्यावे आणि प्रकल्पात पारदर्शकता असावी, अशी आग्रही मागणी यावेळी करण्यात आली. ग्रामपंचायतीने जनतेच्या भावना लक्षात घेऊन या प्रकल्पाचा पुनर्विचार करावा, असा इशाराही आंदोलकांनी दिला आहे. या आंदोलनामुळे परिसरात तणावाचे वातावरण निर्माण झाले असून, प्रशासनाने अद्याप यावर सविस्तर प्रतिक्रिया दिलेली नाही. मात्र, ग्रामस्थांनी आपला विरोध कायम ठेवण्याचा निर्धार केला आहे.
