खो-खो, कबड्डीपटूंना ‘बुस्टर डोस’; राष्ट्रीय स्पर्धेतील खेळाडूंना लाखांत मदत

पणजी : गोव्यातील देशी खेळांना, विशेषतः खो-खो आणि कबड्डीला प्रोत्साहन देण्यासाठी राज्य सरकारने तिजोरीचे दरवाजे खुले केले आहेत. गोव्यात पार पडलेल्या ३७ व्या राष्ट्रीय क्रीडा स्पर्धेसाठी निवड झालेल्या खो-खो आणि कबड्डी खेळाडूंना सरकारने प्रत्येकी लाखो रुपयांची आर्थिक मदत प्रदान केली आहे. मये मतदारसंघाचे आमदार प्रेमेंद्र शेट यांनी विचारलेल्या प्रश्नाला उत्तर देताना क्रीडा मंत्री डॉ. रमेश तवडकर यांनी ही माहिती दिली.

खो-खो आणि कबड्डीपटूंना थेट लाभ

क्रीडामंत्र्यांनी दिलेल्या माहितीनुसार, ३७ व्या राष्ट्रीय क्रीडा स्पर्धेच्या तयारीसाठी आणि प्रत्यक्ष सहभागासाठी निवड झालेल्या खेळाडूंना मोठी रक्कम वितरित करण्यात आली आहे. खो-खो खेळाडूंना प्रत्येकी १.०८ लाख रुपये, तर कबड्डीपटूंना प्रत्येकी ८३ हजार रुपयांहून अधिक मदत देण्यात आली आहे. सरकारच्या या आर्थिक पाठबळामुळे ग्रामीण भागातील खेळाडूंना मोठी मदत होत असल्याचे स्पष्ट झाले आहे.

खेळाडूंना मिळालेले थेट आर्थिक सहाय्य

प्रशिक्षण शिबिरांसाठी भरघोस भत्ता

खेळाडूंची कामगिरी उंचावण्यासाठी आयोजित करण्यात आलेल्या निवासी आणि अनिवासी शिबिरांसाठीही सरकारने वाढीव दर निश्चित केले होते. निवासी शिबिरासाठी आहारापोटी दररोज १००० रुपये, तर राहण्यासाठी ६५० रुपये दिले जात होते. तसेच घरी राहून सराव करणाऱ्या अनिवासी खेळाडूंना दररोज ५५० रुपये (आहार + प्रवास) भत्ता देण्यात आला.

आंतरराष्ट्रीय भरारीसाठी विशेष योजना

आंतरराष्ट्रीय स्तरावर चमकणाऱ्या खेळाडूंसाठीही सरकारकडे ‘विशेष नैपुण्य’ योजना असल्याचे क्रीडामंत्र्यांनी स्पष्ट केले. या योजनेंतर्गत प्रवासासाठी आणि प्रशिक्षणासाठी लाखांमध्ये मदत केली जाते.

आंतरराष्ट्रीय स्पर्धांसाठी मिळणारी मदत