मडगाव : कार्निव्हलमुळे (Carnival) पर्यटन (Tourism) वाढीसाठी मदत होत असतानाच राज्याच्या महसुलात (Revenue) वाढ होण्यासाठीही महत्त्वाचा ठरतो. कार्निव्हलमुळे गोव्यातील (Goa) संस्कृती (Culture) व सांस्कृतिक वारसा जगभरात पोहोचण्यास हातभार लागतो, असे मत किंग मोमो (King Momo) सेड्रीक कॉस्ता यांनी व्यक्त केले.
यावर्षी कार्निव्हलसाठी किंग मोमो म्हणून मडगावातील सेड्रीक कॉस्ता यांची निवड करण्यात आलेली आहे. सेड्रीक कॉस्ता यांनी सांगितले की, पर्यटन विभागाकडून यावर्षीच्या कार्निव्हल मिरवणुकीसाठी किंग मोमो म्हणून निवडीसाठी अर्ज मागवलेले होते. सहा जणांचे अर्ज किंग मोमोसाठी सादर झालेले होते. चांगले उमेदवार असल्याने ही निवड फार कठीण अशी होती. ही निवड प्रक्रिया पारदर्शकपणे झालेली आहे. गोवा पर्यटन विभागाने किंग मोमोसाठी आपली निवड करणे ही आनंदाची गोष्ट ठरलेली आहे. गोव्यातील कार्निव्हल हा लोकांना उत्सवाचे दिन घेऊन येतो. राज्यात व परदेशातही हा कार्निव्हल लोकप्रिय आहे. परदेशातील पर्यटकही कार्निव्हल पाहण्यासाठी येत असतात, असे ते म्हणाले.
यावर्षी पर्यटन विभाग कार्निव्हल दरवर्षा पेक्षा वेगळ्या पध्दतीने साजरा करण्याच्या प्रयत्नात आहेत. जे चित्ररथ असतील तेही वेगवेगळ्या विषयांवरील असतील. हा कार्निव्हल लोकांचा उत्सव होणार आहे. समाजातील सर्व घटकांना समाविष्ट करुन घेत आनंददायी असा कार्निव्हल असेल, असेही से
