मांडवीतील कॅसिनो हटवणे, जमीन रूपांतराविराधात लोकचळवळ

पणजी : गोव्याचे अस्तित्व, पर्यावरण आणि संस्कृती टिकवून ठेवण्यासाठी निवृत्त न्यायमूर्ती फेर्दिन रिबेलो यांच्या नेतृत्वाखाली एक नवी, व्यापक लोकचळवळ उभी राहत आहे. या लोकचळवळीची पहिली महत्त्वाची सभा मंगळवारी (दि. ६) दुपारी ३.३० वाजता पणजीतील इन्स्टिट्यूट मिनेझिस ब्रागांझा सभागृहात होणार आहे.

युवकांना मिळणार विचार मांडण्याची संधी

या सभेत पद्मश्री लिबिया लोबो सरदेसाई, ज्येष्ठ पर्यावरणवादी नॉर्मा अल्वारीस यांच्यासह अनेक सामाजिक कार्यकर्ते आणि चळवळीतील दिग्गज सहभागी होणार आहेत. राजकीय पक्षांचे प्रमुख आणि आमदारांना निमंत्रण देण्यात आले असले तरी, या सभेत युवकांना आपले विचार मांडण्याची विशेष संधी दिली जाणार आहे. सभा बंदिस्त सभागृहात होत असल्याने त्यासाठी वेगळ्या परवानगीची गरज नसल्याचे न्यायमूर्ती रिबेलो यांनी स्पष्ट केले.

नेमका उद्देश काय?

गोव्यातील जमिनींची परकीयांना होणारी विक्री थांबवणे आणि बेकायदा डोंगर कापणीवर बंदी घालणे, हे या चळवळीचे मुख्य उद्देश आहेत. हरमलवासीयांनी उभारलेल्या आंदोलनामुळे तेथील जमीन रूपांतरण रद्द झाले, याच धर्तीवर आता राज्यव्यापी लढा उभारण्याचे आवाहन रिबेलो यांनी केले आहे.

लोकचळवळीच्या प्रमुख मागण्या

विरोधी पक्षांचा ‘लोकचळवळीला’ पाठिंबा

विकासाच्या नावाखाली गोव्याची संस्कृती आणि पर्यावरणाचा जो ऱ्हास सुरू आहे, तो थांबवण्यासाठी ही चळवळ अत्यंत गरजेची असल्याचे मत व्यक्त करत विरोधी पक्षांनीही न्यायमूर्ती रिबेलो यांच्या आवाहनाला पाठिंबा दर्शवला आहे. या व्यापक जनआंदोलनाची पुढील दिशा आजच्या सभेत ठरवली जाणार आहे.