ललित यादवची तुफानी खेळी : हरियाणाचा सुपर ओव्हरमध्ये विजय
पणजी : सय्यद मुश्ताक अली टी-२० क्रिकेट स्पर्धेत शुक्रवारी क्रिकेट चाहत्यांना दोन भिन्न स्वरूपाचे सामने पाहायला मिळाले. कोलकाता येथे झालेल्या सामन्यात गोव्याने सांघिक कामगिरीच्या जोरावर चंदीगडचा ५२ धावांनी धुव्वा उडवला. दुसरीकडे पंजाब आणि हरियाणा यांच्यातील सामना चांगलाच रंगला. हा सामना बरोबरीत सुटल्याने सुपर ओव्हरमध्ये हरियाणाने बाजी मारत पंजाबवर रोमांचक विजय मिळवला.
डाव सावरला : ५.२ षटकांत ३५/४ अशा नाजूक स्थितीतून ललित यादव (८२ धावा) आणि दीपराज गावकर (२८) यांनी गोव्याला सावरले. शेवटच्या २२ चेंडूंत ५४ धावा कुटल्या.
गोलंदाजीचा तडाखा : आव्हानात्मक लक्षाचा पाठलाग करताना व्ही. कौशिक आणि अर्जुन तेंडुलकर यांनी चंदीगडची ४ बाद १० अशी अवस्था केली. गोव्याने हा सामना ५२ धावांनी जिंकला.
| गोवा (२० षटके) | १७३/६ |
| चंदीगड (१९ षटके) | १२१/१० |
| ⭐ स्टार्स : ललित यादव (८२ धावा), अर्जुन तेंडुलकर (३ बळी), दर्शन मिसाळ (३ बळी) | |
पंजाब आणि हरियाणा यांनी प्रत्येकी २०७ धावा केल्याने सामना टाय झाला. मात्र, सुपर ओव्हरमध्ये खरा थरार पाहायला मिळाला.
आयुष म्हात्रेच्या ५३ चेंडूंतील नाबाद ११० धावांच्या वादळी खेळीच्या जोरावर मुंबईने १९३ धावांचे लक्ष्य सहज गाठले. मुंबईने विदर्भचा ७ गडी राखून पराभव केला.
