‘गाकुवेध’कडून भूमिका स्पष्ट : ‘उटा’वरही केले आरोप
पणजी : मंत्री गोविंद गावडे यांना पाठिंबा देण्यासाठी होणाऱ्या बैठकीची 'उटा'ने 'गाकुवेध'ला कोणतीही सूचना दिली नाही, असे 'गाकुवेध'चे अध्यक्ष गोविंद शिरोडकर यांनी स्पष्ट केले आहे.
"मंत्री गोविंद गावडे यांना मंत्रिमंडळातून काढून टाकले आणि त्याऐवजी इतर आदिवासी आमदाराला मंत्रिमंडळात संधी दिली, तर आम्हाला कोणताही आक्षेप राहणार नाही" - गोविंद शिरोडकर
'गाकुवेध' ही 'उटा'शी जोडलेल्या आठ संघटनांपैकी एक असूनही बैठकीची माहिती दिली नाही
गावडेंऐवजी इतर आदिवासी आमदाराला मंत्रिपद दिल्यास आनंद होईल
"जेव्हा आम्ही आमच्या मागण्यांसाठी त्यांच्याकडे गेलो, तेव्हा त्यांनी विधानसभेत कधीही आवाज उठवला नाही. इतर विरोधक आमचे प्रश्न मांडतात"
'जनजातीय सुरक्षा मंच' ही नोंदणी नसलेली संघटना गोव्यातील आदिवासी समुदायात फूट पाडण्याचा प्रयत्न करत असल्याचा आरोप 'गाकुवेध' संघटनेने केला आहे.
"या संघटनेने प्रचार केला आहे की, धर्मांतरित ख्रिश्चन आदिवासी नाहीत आणि त्यांना कोणतेही अधिकार नाहीत. 'उटा'मधील काही पदाधिकाऱ्यांचा त्यांना पाठिंबा मिळाल्याने, सरकारने या संघटनेवर बंदी घालावी"
'गाकुवेध'ने सरकारकडे 'जनजातीय सुरक्षा मंच'वर बंदी घालण्याची मागणी केली आहे
