अपघाताची पूर्ण माहिती

वास्को : वेर्णा औद्योगिक वसाहतीजवळ शनिवारी सकाळी झालेल्या एका भीषण अपघातात एसयूव्हीच्या धडकेने रस्ता ओलांडणाऱ्या अनिषा सतीश बोरकर (२३, केपे) या तरुणीचा जागीच मृत्यू झाला, तर अक्षता उदय नाईक (२३, कारवार) ही गंभीर जखमी झाली आहे.

तिला उपचारासाठी गोवा वैद्यकीय महाविद्यालय (जीएमसी) इस्पितळात दाखल करण्यात आले आहे. याप्रकरणी वेर्णा पोलिसांनी कारचालक जोनाथन परेरा (१९, आगशी) याच्याविरोधात गुन्हा नोंदवला आहे.

पोलिसांनी दिलेल्या माहितीनुसार, जोनाथन परेरा वेर्णा येथील पाद्री कोसेसांव महाविद्यालयात शिक्षण घेत आहे. शनिवारी सकाळी तो परीक्षा देण्यासाठी आपल्या कारने घराकडून महाविद्यालयाकडे निघाला होता.